Albistea entzun

ANALISIA

Berriz Europa

Aitziber Laskibar Lizarribar -

2014ko abenduak 7

Espetxe politika bat eta bakarra dugu eta ez dugu presoen araberako bereizketarik egiten». Esan beharrik gabeko baieztapena behar lukeen arren, horixe adierazi du aste honetan Francois Hollande Frantziako gobernuburuak euskal presoen inguruan. Mariano Rajoy Espainiako Gobernuko presidentearekin bildu ondoren egin ditu adierazpenak.

Hainbat interpretazio etorri dira atzetik. Askotarikoak. Kontrajarriak ere bai. Nork bere hipotesiak egin ditu, ilunpean izaten ari diren bileretatik zer etor daitekeen asmatu nahian. Rajoyren jarrerari buruzko zalantzarik ez dago: Euskal presoen aurka ahalik eta gogorren arituko da, nazioarteko arauei izkin egin behar badie ere. Horretan ari da.

Aste honetan bertan ikusi da azken adibidea. Europak 2008an presoen espetxealdiak behar baino gehiago ez luzatzeko hartu zuen erabakia gauzatzerakoan, tranpa egin du. Lau urte geroago bihurtu du lege, eta gainera, zilegi ez den eran. Euskal presoak salbuespenen zakuan sartu ditu, beste behin. Formula nahasi bat asmatuta, eragotzi egingo die Frantzian betetako espetxe zigorrak Espainiakoei gutxitzea. Are; legea bera indarrean egon gabe saiatu da salbuespena praktikan jartzen.

Arlo juridikoan ere eragin du zalaparta. Zigorrak batzeko eskaera aurrez egina zutenei errespetatzearen aldekoak dira batzuk; hori ere ez betetzearen aldekoak, besteak. Auzitegi Gorenak zehaztu beharko du irizpidea, eta hilaren 16an bilduko da hartarako.

197/2006 doktrina ezarrita euskal presoei espetxealdia urte asko luzatu zien auzia dakar gogora egoerak. Orduan Estrasburgok emana zuen presoak askatzeko agindua, eta agindu hori saihesten saiatzekoa izan zen ahalegina. Orain desberdina da egoera, baina Estrasburgok beste behin Espainiako auzitegiei sinesgarritasuna kendu eta presoei arrazoi ematea kolpea litzateke.

Edozein kasutan, zalantza gehiago eragiten ditu Espainiak Frantziarekin irekia duen beste gaiak. Presoen hizkuntza eta kultura eskubideak errespetatzeko eta haien inguru sozialetik gertu egonda gizarteratzea errazteko Europak onartu zuen beste erabaki esparrua esku artean dute bi estatuek. Irizpidea presoaren hobe beharrean pentsatua denez, presoaren beraren oniritzia behar zen, orain arte, horretarako. Baina Espainia hori gainditu nahian dabil. Frantziak euskal presoak Espainiako kartzeletara igortzea nahi du. Aldi berean, sakabanaketa mantenduko duela iragarria du.

Bi burutazio eragin diezaizkioke eskaintzak Frantziari: batetik, presoak Espainiaren esku utzita, euskal gatazkatik kanpo kokatuko luke bere burua, beti egin nahi izan duen bezala. Baina, bestetik, Frantziak ez du Espainiak bezain erraz irensten eskubide urratzaile irudia. Prest egongo da Espainiaren eskutik Europari iseka egin eta bere izen ona galtzeko?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gure Esku-ren aurkezpena Baionan ©Berria

Pirinioetako Bidean parte hartzera deitu dute Baionan

Ekhi Erremundegi Beloki

Ipar Euskal Herriko hainbat pertsona ezagunek babestu du Gure Esku-k Kataluniako beste plataforma batzuekin batera antolatutako ekimena

Gure Eskuren agerraldia urtarrilaren 29an, uztailaren 2ko egitasmoa aurkezteko. ©Marisol Ramirez / Foku

Aragoiko presidenteak dio uztailaren 2an ez duela onartuko «zaborrik» Pirinioetan

Jon O. Urain

Gure Esku-k eta Kataluniako eragile batzuek mobilizazioa dute uztailaren 2an; asmoa da Pirinioetako 300 bat tontor argiztatzea.

Josu Urrutikoetxea, 2020an, Parisen, BERRIArentzat ateratako argazki batean. ©Eñaut Castagnet

Espainiako Auzitegi Nazionalak epaiketarako data jarri dio Josu Urrutikoetxeari: 2024ko urtarrila

Maddi Ane Txoperena Iribarren

1987an Zaragozako Guardia Zibilaren kuartelaren aurka egindako atentatua leporatuta epaituko dute, urtarrilaren 9an, 10ean eta 11n. 2.354 urteko kartzela zigorra eskatuko diote.

Pedro Sanchez, gaur goizeko saioan, Espainiako Kongresuan. ©JUAN CARLOS HIDALGO / EFE

Sanchezek ukatu egin du Espainiako Poliziak eta Guardia Zibilak Pegasus softwarea dutela

Iosu Alberdi

Kataluniako Gobernuarekin eta ERCrekin hitz egiteko prest agertu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...