IRITZIA-Euskaraldian Berria bizi

Euskarazko pixelen bila

Lander Unzueta Lekerikabeaskoa - Game Erauntsia-ko kidea

2020ko azaroak 22

Aurrekoan sarean bueltaka nenbilela, ostalariei zuzendutako 1974ko iragarki batekin topo egin nuen. Bertan, historiako bideo-jokorik ezagunenetako bat iragartzen zuen Bilbon, Donostian eta Noainen saltokiak zituen enpresa batek: Pong zen, hain zuzen ere, iragarkian azaldutakoa. Ia bost hamarkada igaro dira harrezkero, eta bideo-jokoen munduak izugarrizko eraldaketak jasan ditu urte luze horietan. Esan beharrik ez dago jokalarien kopurua nabarmen hazi dela; industria ia ezezaguna zen lehen, baina egunerokoan erabiltzen ditugun gailuekin jokatzera igaro gara urte gutxi batzuetan. Horri doako jokoen eroaldia gehituta, azkenean gaur egun oso gutxi dira Among Us edota Fortnite bezalako bideo-jokoak ezagutzen ez dituztenak.

 

Bideo-jokoak gure gizartearekin bat egiteko heldu ziren. Eta, halere, euskaraz hitz egiten dugunontzat urrun geratzen diren bi esparru izan ohi dira. Ingelesa nagusi den industrian, bideo-joko handienak hizkuntza gutxi batzuetara itzulita ikusten ditugu. Zer esanik ez dago euskarari buruz aritzean: ez da erraza euskaraz bizi nahi izatea eta bideo-jokoen zalea izatea.

Baina azken urteotan hori aldatuz joan da. Gero eta zale gehiago dira beren jokorik gustukoenak euskaratzeko lana hartzen dutenak: Super Mario Bros, Minecraft eta The Legend of Zelda jokoetan, esaterako, gure hizkuntzan jokatzeko aukera daukagu, euskal bideo-jokalarien komunitatea eratzen dutenei esker. Japoniako edo AEBetako enpresek garatutako jokoak ez, baina euskal garatzaileek sortutako obrak ofizialki euskaratuta argitaratzen ikusi ditugu. Errenteriako 3DNews TV garatzaileak gazteen artean euskara sustatzeko egindako hiru joko izan ziren hori egin zuten lehenak, baina ordudanik Aliceren ibaiak, Sorginen kondaira, Submersed, Batu ta Batu eta beste joko askotan euskara hutsean jokatu ahal dugu.

Jokoei buruz berba egitean, nahitaezkoa da streamer-ak aipatzea: gero eta gehiago dira jokatzen ari direla norbere burua grabatzen duten erabiltzaileak. Euskal hiztunak ere ikus daitezke horretan, eta Twitch moduko plataformekin zuzenekoak sortzeari ekin diote. Horrela, jokozaleek eratutako komunitate desberdinak elkar elikatuz doaz, baita euskaldunen artean ere.

Agerikoa da, beraz, euskaldunontzako ere badagoela lekutxo bat mundu aldakor honetan. Baina are bistakoagoa da, txoko horren zabalkundea eman dadin enpresa eta garatzaileak ezinbestekoak diren arren, zaletasun hau euskaraz gozatzeko bidea jokalariok eraiki behar dugula. Bideari ekin diogu jada, eta elkarrekin haziz goaz.

Irakurle agurgarria:

Euskaraldian harpidetza eskaintza berezia egin nahi dizu BERRIAk. Hizkuntza ohituretan eragiteko helburua duen ariketa kolektibo honi ekarpena egin nahi diogu egiten dakiguna eskainiz, kazetaritza. Euskaraz informatzeko hautua egitea norbere buruarekin ez ezik munduarekin ere euskaraz aritzeko hautua egitea baita.

Martxelo Otamendi
BERRIAko zuzendaria

Egin harpidetza

Albiste gehiago

Santos Indurain Nafarroako Gobernuko Osasun kontseilaria ©Jesus Diges / Efe

Nafarroak sei-hamar lagunen arteko topaketak baimendu nahi ditu Eguberrietan

Edurne Begiristain

Osasun kontseilariak esan du mugaren itxierarekin «malgu» jokatu nahi dutela, familia bereko kideak elkartu daitezen.

Makazaga eta Ormaetxea, Zabalganako eskolaren atarian. ©JAIZKI FONTANEDA / FOKU

Euskaraz heztearen garrantzia

Amaia Ramirez de Okariz Kortabarria

Gurasoek umeekin euskaraz aritzearen garrantzia azpimarratu dute, nahiz eta leku batzuetan «zailagoa» dela aitortu. Hizkuntza ohiturak aldatu nahi dituzte, hala nola beste gurasoekin.

<b>Konfinamendua.</b> Baionako karrikak hutsik, eta dendak itxita konfinamendu garaian. ©BOB EDME

Larunbatetik aitzina dendak irekiko dituzte Iparraldean

Maria Ortega Zubiate - Oihana Teyseyre Koskarat - Paulo Ostolaza

Jatetxeak ez dituzte urtarrilaren 20a aitzin zabalduko, baina ostatuentzako eperik ez dute eman. Madrilek aurreratu du etxeratzeko orduei eutsi nahi diela Eguberrietan

Eusko Jaurlaritzak eta Emakundek egindako agerraldia, gaur goizean ©Emakunde

Ertzaintzak indarkeria matxistaren 5.518 kasu atzeman zituen iaz

Irati Urdalleta Lete

Azaroaren 25 dela eta, mugimendu feministak hainbat mobilizazio antolatu ditu arratsalderako. Goizean egin dituzte agerraldiak Eusko Jaurlaritzak eta Nafarroako Gobernuak.

 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIA zure arigune izan dadin nahi dugu. Baliatu Euskaraldiko harpidetza eskaintza.

Egin harpidetza