Albistea entzun

Donostiako 67. Zinemaldia. Sail Ofiziala. KRITIKA. Sail Ofiziala

Miserere Nobis

Mikel Zumeta -

2019ko irailak 24

'The Other Lamb'

Zuzendaria: Malgorzata Szumowska. Aktoreak: Raffey Cassidy, Michiel Huisman, Denise Gough. Herrialdea: Irlanda - Belgika - Polonia - AEB. Iraupena: 96 minutu.

Ene bildots koitadua, ene, etor zaitez artaldera, elkarrekin jarrai diezaiogun tradizioari.

Interesgarria zuzendariak proposatzen digun hausnarketa, patriarkatuan, erlijioan eta tradizioaren birsortzean arakatu nahi duena.

Zintak beldurrezko generoaren tonua eta kodeak erabiltzen ditu, irudi interesgarriz eta argazki landuaz baliatuz. Asmoa nabari zaio zuzendariari, norabidea eta hausnarketarako gogoa ere bai; filmak, ordea, ez du proposamena behar bezala gauzatzeko bidea aurkitzen.

Emakumez osatutako sekta batean kokatuko gaitu zuzendariak. Emakumeek bi talde osatuko dituzte, emazteak eta alabak, eta, nola ez, taldearen buru, gizona, artzaina, profeta, iragarlea, guztiz ahalduna, hornitzailea.

Emakumeak liluraturik bizi dira profeta iruzurtiaren gezurrekin sinistuta; haren jarraitzaile sutsuak dira, eta, mendian galdurik, erritu, arau eta preso mantentzen dituen loturak birsortze horretan tematuta biziko dira.

Filmak faktura ederra erakusten du; argazki eta irudi landuak ditu, eta irudi bortitzak agertzen dizkigu, istorioarekin guztiz bat datozenak eta metafora moduan ere eraginkorrak izan daitezkeenak.

Tamalez, osagai guztiak izanda ere, pelikulak ez du kontatu nahi duena kontatzeko bidearekin asmatzen. Hasiera klimatiko interesgarriarekin ongi egiten du, baina, filmak aurrera egin ahala, azalpenak emateko eta iruditeria txundigarriekin gu asaldatzeko nahi horretan, tramak eskuetatik ihes egingo dio.

Konturatzerako, zuzendariak filmaren amaierara bideratuko gaitu, modu azkar eta zakarrean, larrialdi irteera batetik gidatuko bagintuzte bezala. Pertsonaia haiek guztiek azalpen eta denbora nahikoa beharko ez balute bezala, haiek bizi izandakoa bat-batean axolagabea bilakatu izan balitz bezala.

Zuzendariari denbora agortu izan balitzaio bezala aurkituko gara: «barkatu eragozpenak, baina saioa amaitu da, mila esker zuen arretagatik» esango baligu bezala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©OSKAR MATXIN EDESA / FOKU

«Filmatzea nagoen lekuan egoteko modu dialektiko bat da»

Andoni Imaz

Filmak sortzen dituen artista da, zinemagilea baino gehiago. Eginez egiten du lan, eta konbentzioak desegiten ditu bidean. Bere lana mundu osora zabaldu du; Kaliforniatik urteetan, Euskal Herritik orain.
Raid Awwad, 1987ko argazki batean. ©MAJAZZ PROJECT

Maitasuna eta borroka

Mikel Lizarralde

Palestinan lehen intifada piztu zenean Riad Awwadek grabatutako diskoa desagertuta egon da urte hauetan guztietan. Orain, 'The Intifada 1987' izenburuarekin argitaratu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.