Albistea entzun

HIZPIDEAK

Langile izateko lanak

ELAren mobilizazioa atzo Bilbon.
ELAren mobilizazioa atzo Bilbon. ARITZ LOIOLA / ARGAZKI PRESS

Amagoia Gurrutxaga Uranga -

2015eko maiatzak 2 - @AmagoiaGu

Historia ezaguna da: zortzi orduko lanaldia eskatuz 1886ko maiatzaren 1ean grebari ekin zioten langile estatubatuarrei zor zaie Langileen Nazioarteko Eguna. Duela 126 urteko maiatzaren 3an, Chicagoko Poliziak grebalariei tiro egin zien abisurik eman gabe. Garaiko prentsaren arabera, sei langile hil eta dozenaka zauritu zituzten. Biharamunean, Chicagoko Haymarket plazan protesta egin zuten milaka beharginek. Polizia berehala hasi zen jendetza estutzen. Lehergailu bat zartarazi zuen norbaitek, eta uniformedun bat hil. Tiroka erantzun zuen Poliziak. Istilu larriak gertatu ziren segidan: zortzi agente hil ziren, eta zehazteke utzi zuten zenbat zibil. Ehunka langile atxilotu eta torturatu zituzten hurrengo egunetan, 31 auzipetu Haymarketeko leherketagatik. Azkenean, zortzi akusatuk ordaindu zuten zortzi orduko lanaldia eskatu izana. Anarkismoaren kriminalizazio kanpaina betean, urkamendian hiltzera kondenatu zituzten haietako bost, prentsak hauspotutako epaiketa-fartsa egin ondoren.

1889tik, eta Chicagoko urkatuak gogoan, maiatzaren 1a Langileen Nazioarteko Eguna da munduko bazter askotan. Ameriketako Estatu Batuetan ez. Euskal Herrian bai. Langile antolaketa eta borroka beharra aldarrikatu dituzte sindikatuek, gero eta urrituago dauden eskubideak berreskuratzeko. Lanak ditu jendeak langile izateko eta sentitzeko, agerikoa da. 126 urteren buruan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.