HIZPIDEAK

Babes handia erabakitzeko eskubideari

Iñaki Petxarroman -

2018ko otsailak 8
Eusko Legebiltzarreko autogobernu lantaldean alderdiek aurkeztu dituzten proposamenetan badira bat egiteak. Bakoitzak bere erara, EAEko erabakitzeko eskubidea jaso dute EAJk, EH Bilduk eta Elkarrekin Podemosek euren testuetan. Beraz, lau diputatutik hiru herritarrek estatus politikoa erabakitzearen aldekoak dira. Eskubide horren aurka bi talde txikienak bakarrik azaldu dira, PSE-EE eta PP alderdi unionistak, hain justu ere.

Bakoitzaren testuetan era guztietako ñabardurak badira ere, kontua da aurrerantzean zer egiteko prest dauden alderdiak bat datozen horretan sakontzeko. Izan ere, Kataluniako prozesuak zerbait erakutsi badu, horixe da: Espainiak ez ditu onartzen, ez onartuko euskal herritarren hitza eta erabakia.

Prozesu hori «hausturarik gabe» eta «aldebiko akordioz» egitearen alde dago EAJ. Elkarrekin Podemosek, berriz, Quebeceko ereduaren aukerak aztertzeko beharra aipatu du. Kontua da Madril ez dela Ottawa, baizik eta Kataluniako erreferenduma indarrez lehertzera joan zen eta buruzagi independentistak espetxera edo deserrira bidaltzen dituen estatua. Larritu gabe, baina, egoera horren jakitun, denborak esango du ea borondaterik dagoen oztopoak gainditzeko eta teorian babestu duten eskubide hori gauzatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna