Noiz sortua: 2015-03-26 00:30:00

HIZPIDEAK

Edo/eta

Mikel P. Ansa -

2015eko martxoak 26

Behartu, edo limurtu. Horra hor koska. Nola erakarri euskararekiko batere sentsibilitaterik ez dutenak, sentsibilitate doi bat dutenak, puska bat dutenak... Behartzeak uxa ditzake. Limurtzea eskas gerta liteke. Behartzeko ahala antzutua zuela sortu zuen EAJk kontsumitzaileen hizkuntza eskubideen dekretua —zigorren atala guztiz zehaztu gabea zuen—, eta limurtzen ahalegin handirik ez zuen egin PSEk gobernuan egon zenean —kendu egin zuen zigorren atala, eta dekretua garatzeko urratsik ere ez zuen egin—. Emaitzak argiak dira, Jaurlaritzak berak emandako datuen arabera: hamarretik zortzi enpresek ez dute betetzen dekretuak agintzen duena.

EH Bilduk auzitan jarri du dekretua, eta lege bat eskatu, emaitzak ikusita. Kontsumitzaileen hizkuntza eskubideen lege berri horrek isunak jarriko lizkieke legea beteko ez luketen enpresei. Behartu egingo lituzke, beraz. EAJren estrategia, hizkuntza normalizazio politikei dagokienez, limurtzearen bidetik doa, eta EH Bildu behartzearen bidetik abiatu da. Nekez babestuko du EAJk EH Bilduren proposamena.

Behartuta, ez dira gustura egiten lanak. Baina limurtuta ere... Limurtzaileak nahi bai, baina limurtzailearen subjektuak beste aldera begira dezake lasai asko.

Seguru asko ez dago bide bakar bat, eta enpresak behartu eta limurtu egin behar lirateke aldi berean. Eskuinarekin eta ezkerrarekin eragin. Estrategiak batu, eztabaida polarizatu ordez. Behartu edo limurtu beharrean, behartu eta limurtu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna