Albistea entzun
Emakumeen aurkako indarkeriari ez
Emakumeen aurkako indarkeriari ez

KRITIKA. Antzerkia

Udako gau bero batean

Ane Pikaza, obran.
Ane Pikaza, obran. HIKA / KABIA

Agus Perez -

2015eko martxoak 10

'Gau arabiarra'

Dramaturgia eta zuzendaritza: Agurtzane Intxaurraga, Laia Ricart, Borja Ruiz. Antzezleak: Ramon Agirre, Ainhoa Aierbe, Ane Pikaza, Martxelo Rubio eta Kandido Uranga. 'Beatboxer'-a: Iker Bergara. Lekua: Donostiako Gazteszena. Eguna: Martxoak 8.

Bueltaka dabiltza, udako gau bero batean, Gau arabiarra obrako bost pertsonaiak. Bueltaka hamar solairuko apartamentu-blokean, loti eder baten inguruan, elkarri segika, baina elkarrekin topo egin gabe gehienetan.

Roland Schimmelpfennigen (Alemania, 1967) Die arabische Nacht garaikidetasun betekoa da, bai pertsonaien tratamenduan bai egitura formalean. Egileak gizatasunaren azken apurren bila jartzen ditu pertsonaiak, mundu kaletar eta anonimo batean, eta gizarte modernoak paratutako tranpa arruntetan erorarazten ditu: igogailuan trabatuta geratzea, atezain automatikotik ezin komunikatzea, eskailerako bizilagunak arrotzak izatea, etxeko giltzak ahaztea... Gainera, pertsonaia isolatuen bakardadea azpimarratzeko, haietariko bakoitzak bere berbaldi solteak esan eta besteen hitzaldien artean txertatuko ditu, elkarren arteko dialogoak urriak eta labur-laburrak izanik.

Testu korapilatsu honi forma emateko Hika eta Kabia taldeak elkartu dira Bilboko Pabellon 6en babesarekin, eta zuzendari biek auzolanean jardun dute Laia Ricart katalanarekin, baina hainbeste bururen elkarlana aberasgarria suertatu da arlo askotan. Izan ere, testuaren ezaugarriak direla-eta, garrantzi handikoa zen eszenaratzeari kutsu oniriko nabarmena ematea, eta horretan bete-betean asmatu dute, elementu eszenikoen erabilera irudimentsua eta dramaturgia sormentsua kontuan izanda.

Eszena inguruko arloei begiratuta, zeregin eratzailea eduki du Xabier Lozanok argiekin guneak eta giroak definitzerakoan, eta, beste esparru batean, erabakigarria izan da Iker Bergarak bere ahots-efektu estonagarriekin sortutako soinu-paisaia.

Aktoreek, berriz, sendotasunez gorpuztu dute bakoitzari egokitu zaion pertsonaia, Arantxa Iturberen euskaratze naturalean eroso, eta ahoskera garbia erakutsiz entzuleen gozamenerako. Egia da testua nahasia suerta daitekeela egilearen intelektualtasun germaniarraren ondorioz, baina alderdi eszenikoen tratamendua eta aktoreek lan honekin ikasitakoa aurrerapauso bat izan daitezke publiko zabaleko euskal antzerkigintzan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ekoetxea Urdaibaik hizkuntza indigenen erakusketa bat jarri du ikusgai. ©Monika del Valle / Foku

Hizkuntza jasangarriak

Amaia Igartua Aristondo - Bizkaiko Hitza

Busturiko Urdaibaiko Ekoetxeak erakusketa batean bildu ditu 11 hizkuntzatan emandako testu batzuk eta haien euskarazko itzulpenak: 'Hizkuntza indigenak, Ama Lurra zaintzen'. Abenduaren 18ra bitartean bisitatu ahalko da.

<b>Amurrioko saioa.</b> Joan den larunbateko saioa, Amurrioko Bañueta kiroldegian. ©GARI GARAIALDE

Iristen aurren, eta joaten azken

Miren Mujika Telleria

Baionan jokatuko da gaur Bertsolari Txapelketa Nagusiko bigarren itzuliko bigarren saioa. Ohi bezala, 17:00etan hasiko da. Aulki, soinu eta foku; pronto izango dira den-denak ordurako. Bertsozale Elkarteko ekoizpen taldeak du horren ardura. Zein da, baina, horren atzean dagoen inurri lana?
 ©Andoni Canellada / FOKU

Sustrai Colina: «Lanketa guztiak abiatzen dira pertsona gisa zaren horretatik»

Joanes Etxebarria - Ipar Euskal Herriko Hitza

Sustrai Colina Bertsolari Txapelketa Nagusiko finalista izan da azken bost aldietan. Aurten, finalerdien lehen itzuliko saioa irabazi du, eta gaur Baionan kantatuko du, bigarren itzulian. Gogo «handiz» ariko da.

 ©Ainara Azpiazu 'Axpi' / UNAI GAZTELUMENDI

Laineza. Kultura haragi bizitan

Berria

1960ko hamarkadan harrotu zen euskal kultura modernoaren olatua. Miszelanea bat osatu du Lanartea Elkarteak, olatu hartako kideen eginahalak eta esanak egungo 50etik gora kultur egileren gogoeta, irudi eta bizipenekin uztartuz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...