Neurririk ez Pujolen semeari, bost orduz deklaratu eta gero
Kataluniako Gobernuko presidente ohi Jordi Pujolen semeak inputatu gisa deklaratu zuen atzo Espainiako Auzitegi Nazionalean, zerga delituak egitea, dirua zuritzea eta ezkutatzea leporatuta. Jordi Pujol Ferrusolak bost orduz erantzun zien Pablo Ruz epailearen galderei. Besteak beste, kontratu publiko eta aholkularitza lanen truk legez kanpoko komisiorik jaso ote duen galdetu zion. Horrelakorik egitea ukatu, eta inolako neurririk gabe irten zen epaitegitik. Ez estatuaren abokatuak eta ez ustelkeriaren kontrako fiskaltzak ere ez zuten badaezpadako neurririk eskatu Pujol Ferrusolarentzat. Ondoren deklaratu zuen haren bikotekide ohiak. Jordi Pujol aita datorren astean joatekoa da Kataluniako Parlamentura, 30 urtez legez kanpo atzerrian gordetako diruaz argibideak eman ditzan. Galderak onartuko ditu.
Iruzkinak
Ez dago iruzkinik
Ordenatu