Liburu nepaldar bat

Francis eta Feng bikoteak sinatzen duen liburu honetan, inon baino hobeto isla daitezke mendizaletasunak dakarren epika, mitologia eta plazer primarioa, Everest baita mendizaletasunaren sintesi gorpuztua.

Bost atalez (eta hainbat azpiatalez) osatuta dator, behetik gorako egitura osatzen. Azpiataletako informazioa askotarikoa da, atal bakoitzaren garaierari (fisikoa zein literarioa) dagokion geologia, biologia, historia edota mitologia azaltzeko emanak. Demagun, laugarren atala (Mendian gora: 5400 metrotik gora) Everesten bizi diren bost jainkosak aurkezten hasten da, segidan mendiaren arriskuez hitz egiten jarraitzeko, mendiak dituen hiru aurpegi edo aldeez, gailurrera igortzeko saiakeren kronika sorta bat dator jarraian, eta, atala amaitzeko, goi-mendietako jardunak eragin dituen lau asmakizun azaltzen zaizkigu: Nylona, lumazko berokiak, barne-euskarridun motxilak eta piolet kurbatua.

Ilustrazioak artisau lanaren trazak ditu, serigrafia teknika, eskuz egindakoa dirudien paperean... Mikel Azkarragak eta enparauek Durangoko Azokan saltzen zuten Dheeraj Nathen Mitrabaneko koba liburu nepaldarraren antzera.