'Norma'opera, denboraldia amaitzeko

Vincenzo Belliniren obrarekin itxiko du OLBEk 2017-2018ko egitaraua. Bilboko Orkestra Sinfonikoa ariko da Pietro Rizzo gidari duela
<em>Norma</em> operaren entseguko irudi bat.
Norma operaren entseguko irudi bat. BERRIA Tamaina handiagoan ikusi

Gorka Erostarbe Leunda -

2018ko maiatzak 17

Genero lirikoaren ikurretako bat da Norma, Vincenzo Bellini konpositore italiarraren (1801-1835) helduaroko opera entzutetsuena. Maiatzaren 19an, 22an, 25ean, 27an eta 28an emango dute opera hori, Bilboko Euskalduna jauregian, Operaren Lagunen Bilboko Elkartearen (OLBE) denboraldia amaitzeko.

Emakume indartsu baten tragedia kontatzen du Norma-k. Bere idealak alboratuko ditu maitasun istorio baten alde, baina amaieran maitaleak traizionatu egingo du. Melodiaren, ahots gaitasunaren eta dramarako eszenen arteko oreka dakar piezak, antzinako erritu, gatazka eta leialtasun istorioz hornituta.

Operaren protagonisten roletan kantari hirukote esanguratsua ariko da: Anna Pirozi soprano italiarrak egingo du Norma protagonistarena; Gregory Kunde tenor estatubatuarrak Pollione erromatarraren rola jokatuko du, eta Silvia Tro Santafe mezzo-soprano kataluniarrak Adalgisarena egingo du. Roverto Tagliavni baxuak (Oroveso), Itxaro Mentxaka mezzo-sopranoak (Clotilde) eta Viçenc Esteve tenorrak (Flavio) osatzen dute kantari taldea.

Musikaren atala Pietro Rizzo orkestra zuzendari italiar gazteak gidatuko du. Beste behin zuzenduko du Bilboko Orkestra Sinfonikoa, eta hunkiduraz nahiz aberastasun melodikoz betetako partiturari zukua atera beharko dio; Bilboko Operaren Abesbatza izango du lagun, Boris Dujinek zuzenduta.

OLBEren, Madrilgo Teatro Realen eta Valentziako (Herrialde Katalanak) Palau de Les Artsen arteko ekoizpen lan partekatuaren emaitza da opera. Agertokiaren gainean elementu nagusia zuhaitz bat izango da; Europako iparraldeko kondairetatik eratorritako zuhaitz bat, hain zuzen ere: bizitzaren arbola.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osakidetzako protesta, atzo, Donostiako Amara Berriko osasun zentroaren aitzinean. ©GORKA RUBIO / FOKU

Osakidetzako «sakoneko arazoei» heltzeko eskatu dute sindikatuek

Maddi Ane Txoperena Iribarren

Protestak egin dituzte lehen arretako zentroetan. Langile gehiago eskatu dituzte, eta murrizketetan «galdutakoa berreskuratzea». Osasun Sailak dio «benetako konpromisoa» duela «sendotzeko»

Ikasgela huts bat Hernanin, artxiboko irudi batean. ©JON URBE / FOKU

Gero eta ikasle gehiago daude bakartuta ikastetxeetako kasuengatik

Uxue Rey Gorraiz

Jaurlaritzak esan du 80 ikasgela gehiago itxi dituela; ia 300 daude itxita Hegoaldean. Nafarroak laguntza emozionala emanen die ikasleei

Musukoek begiak estaltzen dituzten garai hauek
PCR probak, Gurutzetako ospitalean. ©Luis Jauregialtzo, FOKU

Gutxitu egin dira egun bakarrean atzemandako kasuak

Uxue Rey Gorraiz

Beste 793 positibo detektatu dituzte Hegoaldean, aurreko egunean baino 14 gutxiago. Ospitaleratzeek ere behera egin dute: 56 gaixo erietxeratu dituzte azken egunean. Hiru gaixo zendu dira, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna