Albistea entzun

Madrilek apiriletik luzatuko ditu aitatasun baimenak

Aldizkari ofizialak kaleratu du baimenak zortzi astera luzatzeko dekretua, baina atzeraldi bat du: berehala ez, apirilaren 1ean sartuko da indarrean

Erredakzioa -

2019ko martxoak 8 - Donostia

Espainiako Gobernuak dekretu bat onartu zuen emakumeen eta gizonezkoen arteko berdintasuna sustatzeko, eta Espainiako aldizkari ofizialak atzo argitaratu zuen; gaur jarriko dute indarrean. Dekretuak, baina, zenbait salbuespen jasotzen ditu azken xedapenean. Horietako batek apirilaren 1era atzeratzen du aitatasun baimena bost astetik zortzira luzatzeko neurria.

Gobernuaren esanetan, neurria indarrean jartzeko sistema informatikoa prestatzen ari dira, eta horregatik atzeratu dute baimena luzatzeko erabakia. Horrez gain, kontzeptuak egokitzen ari dira: amatasun baimena beharrean, jaiotza baimena erabiliko dute. Carmen Calvo presidenteordeak azaldu du, gainera, egokitzeko denbora eman nahi izan dietela enpresei; izan ere, enpresak kexu ziren gobernuak lege dekretua aurkeztu zuenean.

Dekretuak zehazten duenez, bi gurasoek batera hartu beharko dituzte baimeneko lehen bi asteak, eta gainontzeko seiak, haurrak urtebete bete aurretik. Espainiako Gobernuaren asmoa da amatasun eta aitatasun baimenak hamasei astera parekatzea 2021erako. Hortik aurrera, bi gurasoek erditu eta berehala hartu beharko dituzte baimeneko lehen sei asteak, eta haurrak urtea bete artean banatu ahal izango dituzte gainontzeko hamarrak.

2007an Espainian Berdintasun Legea onartu zen arte, aita berriek bi egun besterik ezin zuten libre hartu Hego Euskal Herrian. 2013rako zegoen aurreikusita hilabetera luzatzea, baina 2017aren hasierara arte ez zuten gauzatu. Iazko uztailean, berriz, bost astera luzatu zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Frantziako Polizia Angelun (Lapurdi), artxiboko irudi batean. ©Jagoba Manterola / Foku

Donibane Lohizunen 24 urteko gazte bat hil da auto istripuan

Berria

23 eta 25 urteko beste bi lagun egoera larrian ospitaleratu behar izan dituzte. 

Hendaiako atxikitze zentroa. / ©Bob Edme

Atxikitzeetako gehiegikeriak salatu dituzte

Iñaki Etxeleku, Ipar Euskal Herriko Hitza

CIMADE elkarteak Hendaiako atxikitze zentroko gehiegikeriak deitoratu ditu. Muturreko egoera gehiago direla dio.

Vicente Atxa, / ©Aritz Loiola, Foku

«Ekarpen berezi bat egin dugu euskal unibertsitate sisteman»

Jone Markuleta Etxegoien, Gipuzkoako Hitza

25 urte bete ditu aurten Mondragon Unibertsitateak. Sistema dualean «aitzindariak» izatea, enpresekin harremana izatea eta arlo berriak sortu izana nabarmendu ditu Atxa errektoreak.

Egunkarietako zuzendariak Pablo Gonzalezen eskubideen alde

Egunkarietako zuzendariak Pablo Gonzalezen eskubideen alde

Berria

Berria, Correo, Deia, Diario Vasco, Diario Noticias de Alava, Diario Noticias de Gipuzkoa, Diario Noticias de Navarra eta Gara egunkarietako zuzendarien agiri bateratua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.