Albistea entzun

Koronabirusa. ZIENTZIA PENTSALDIAN

Umeak txertatzeko arrazoiak

Miren Basaras Ibarzabal - Mikrobiologiako irakasle titularra EHUn

2021eko abenduak 14

COVID-19aren pandemiaren hasieran umeen kutsatzeak ez ziren hain ugariak, bereziki etxeratze aginduaren ondoren umeak etxe barruan zeudelako —hasieran ezin ziren irten ere—. Baina hilabeteak aurrera doazen heinean, populazioaren gehiengoa txertatua egonik, 12 urtetik beherako umeak bilakatu dira kutsatze tasa altuenak dituztenak, beraien intzidentzia metatua beste adinetan baino askoz altuagoa izanik bereziki azken uhin epidemiko honetan.

Aste honetan, eta Europako Medikamentuan Agentziak (EMA) baimendu ondoren, 5-12 urte bitartekoei txertoa emateko aukera ireki da. EMAk, azterketa klinikoak aztertu ondoren, ondorioztatu du umeen txerto hori segurua eta eraginkorra dela. Izatez, Estatu Batuetan jadanik 5 milioi ume baino gehiago txertatu dituzte azken hilabeteetan eta ez dute ikusi inolako arazo larririk sortu denik.

Eusko Jaurlaritzak urrian argitaratutako inkesta batean bakarrik inkestatutako gurasoen %48k nahiago lukete umeak txertatzea eta beste % 27 ez daude ziur. Zergatik mesfidantza hori?

Nahiz eta umeak COVID-19aren ondorioz gaixotzeko arriskua helduena baino txikiagoa izan, argi dagoena da beraiek kutsatu daitezkeela. Horren ondorioz, aukera ezberdinak garatu daitezke. Alde batetik, kutsatu ondoren, nahiz eta inolako sintomarik ez izan, birusa senitartekoei transmititu diezaiekete, azken hauek gaixotuz. Bestetik, umeak eurak gaixotu daitezke; askotan sintoma arinak izanik, baina besteetan, konplikazio arraroak ere pairatu ditzakete, hala nola sistema anitzeko sindrome inflamatorioa, edo COVID iraunkorraren sintoma ezberdinak izan. Eta ezin da ahaztu zoritxarrez umeak ere hil daitezkeela gaixotasun honengatik. Argitaratuta dauden datuen arabera, Euskadin adin horretako ume bat hil egin da COVID-19aren ondorioz; Espainiar Estatuan 117 hildako egon dira 10 urtetik beherakoetan eta 3.500 baino gehiago ospitaleratu dituzte.

Eta zein izan beharko litzateke lehentasuna? Dudarik gabe adin horretako ume immunogutxituak edo bestelako gaixotasun arriskutsuak dituztenak (diabetesa, bihotzeko edo biriketako gaixotasunak, neurologikoak...); ez da ahaztu behar adin horretan ere badaudela sistema immune gutxitua duten umeak eta horiek izan behar dira babespen azkarrena jaso behar dutenak. Galiziak, esate baterako, aipatu du ume immunogutxiak txertatzen hasiko dela.

Txertaketan badago habiaren (cocooning) estrategia. Bere helburua da infekzioa jasaten duen paziente baten inguruan patogenoak transmititzeko arriskua minimizatzea. Eta horregatik umeak txertatzen dira adibidez pneumokoko edo beste hainbat txertorekin. Beraiek txertatuz mikroorganismoaren transmisioa gutxitzen da eta horrela bere senitartekoak (neba-arreba gazteagoak, gurasoak, aitaita-amamak) babesten dira.

Nire iritziz, inork ez luke nahi bere semeak edo alabak prebenitu daitekeen gaixotasun batengatik arazoak izan ditzan. Egin dezagun berdin COVID-19a ez pairatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Irungo alarde parekidea, atzo. ©JON URBE / FOKU
 ©JESUS DIGES / EFE

Elizaren sexu abusuei buruzko lege «aitzindaria» onartu dute Nafarroan

Ion Orzaiz

Arauak biktimen «aitortza» bermatuko du delitua preskribatuta dagoen kasuetan. Babes ia erabatekoa jaso du foru legeak: Navarra Sumak bakarrik bozkatu du kontra
Uxerra joan zen unea, atzo goizean, Aldako kideen aitzinean. ©BOB EDME

Etxegabetze protokolo bat aktibatzea eragotzi du Alda kolektiboak Bokalen

Oihana Teyseyre Koskarat

Iruzurreko alokatze kontratu bat eginik ere, uxer bat bidali dute jabeek familia bat kanpo ezartzeko. Prozedura «legez kanpokoa» da
LAB errepidea mozten, atzo. ©LAB SINDIKATUA

Gipuzkoako zahar etxeetan greba egin dute aldundiari inplika dadila eskatzeko

Irati Urdalleta Lete

ELAk eta LABek gaurko ere grebara deitu dute, baita hilaren 14rako eta 15erako ere. Protesta gisa, LABek Donostiako sarbide bat itxi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...