Albistea entzun

Baionako Aviron errugbi taldeko kide bat eta kide ohi bat atzeman dituzte

Miarritzeko Aguilera ospitaleko erizain bat konorterik gabe uztea egotzi diete. Ospitaleko osasun langileek grebara deitu dute gaur, erasoa salatzeko
Aviron errugi taldeko zenbait jokalari, artxiboko irudi batean.
Aviron errugi taldeko zenbait jokalari, artxiboko irudi batean. I.M Tamaina handiagoan ikusi

Nagore Arin -

2022ko abuztuak 26

Baionako Aviron errugbi taldeko kide bat eta kide ohi bat atzeman dituzte, atzo gauean Miarritzeko (Lapurdi) Aguilera ospitalean erizain bat jo eta konorterik gabe utzi ondoren. Frantziako France Bleu irratiak zabaldu duenez, gaur egungo entrenatzailearen laguntzaile Antoine Battut eta prestatzaile fisiko ohi Cyril Gomes dira Poliziak atzemandakoak, eta zaintzapean jarri dituzte.

Zalaparta piztu da sareetan eta komunikabideetan, eta horietako asko zehazki zer gertatu den ikertzen saiatu dira. Mediabask hedabideak, kasurako, zer gertatu den aurrez aurre ikusi duen erizain laguntzailearekin hitz egin du, Margaux Guridirekin. Haren hitzetan, Battut eta Gomes larrialdi gelara joan dira, istripu bat izan duen lagun bati laguntzera. Erizain laguntzailearen arabera,lagunarekin ezin egoteagatik sortu da liskarra; izan ere, koronabirusa dela-eta hainbat murrizketa indarrean daude oraindik. Guridiren esanetan, liskarraren tonua garraztuz joan da orduan, eta, Battuten eta Gomesen laguna artatzen ari zen erizaina egoera beretzen saiatu den arren, ukabilkada bat eman diote. Ukabilkada hartzean lurrera erori da, eta, erizain laguntzaileak azaldu duenaren arabera, bi gizonezkoek erizaina jotzen jarraitu dute.

Entrenatzailearen laguntzaileak gertakariak aitortu ditu, eta onartu du berak eman duela lehen ukabilkada. Gomes prestatzaile fisiko ohiak, berriz, esan du Battuten eta erizainaren artean jartzen saiatu dela.

Aguilera klinikako osasun langileek greba egingo dute gaur, erasoa salatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRRIA / BERRIA

«Zergatik egon behar dut nik kontrolpean?»

Maite Asensio Lozano

Manuelaren senar ohiak eskumuturrekoa darama. Manuela hiltzen saiatu zen. Gizonak maiz uzten du gailua kargatu gabe, eta, alarmak etengabe jotzearen ondorioz, antsietate arazoekin dabil emakumea.

 ©MARISOL RAMIREZ / @FOKU

Kontrol telematikoa hobetu beharra

Maite Asensio Lozano

Tratu txarrak ematen dituzten gizonei eskumuturreko telematikoa jartzea maizago eskatuko dute poliziek eta fiskalek, baina gailu horien nahi gabeko ondorioek kezka piztu dute eragileen eta biktima taldeen artean.

Saretxe Groseko etxebizitza sindikatuak atzo antolatutako elkarretaratzea, hustu duten atartearen aurrean. ©MAIALEN ANDRES / FOKU

Bizilagun gehiago kaleratuko ditu Azora putre funtsak Donostian

Jone Arruabarrena

Ategorrieta hiribideko beste eraikin bateko bizilagunak bota ditu. Putre funts horrek Donostiako 300 etxebizitza erosi ditu azken urteetan, Gros eta Amara auzoetan

<em>Aita Mari</em> ontzia Pasaiako portuan (Gipuzkoa), 2020ko uztailean. ©IDOIA ZABALETA / FOKU

'Aita Mari' ontziari milioi bat euroko isuna jarri dio Espainiako Gobernuak

Isabel Jaurena Edurne Begiristain

Zigorrak lotura du 2020an Palermon gertatu ziren ekintza batzuekin. Itsas Salbamendu Humanitarioak alegazioak aurkeztuko ditu

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.