Albistea entzun

Osasunari buruzko foru lege berria: ezinbestekoa eta presakoa

Josemi Ablitas, Iban Irisarri, Marisol Saiz-Aja, Izaskun Arteaga Urrutia eta Alberto Mendilazo - Osasunbideko LAB

2022ko maiatzak 12

Nafarroako Gobernuak eta Osasun Departamentuak osasunari buruzko foru lege berri bat garatzeko inolako interesik ez dutenez, Osasunbidean egitura- eta antolaketa-arazoak handitzen ari dira, eta kalteak eragiten ari dira herritarren osasun arretan eta langileen lan baldintzetan.

Gaur egun, Osasunbidean, 1990eko lege batekin eta joan den mendeko gizartearentzat pentsatutako irizpideekin funtzionatzen jarraitzen dugu. Nafarroako Gobernuan eta Osasun Departamentuan inork ez du inolako interesik Nafarroako herritarrei osasun arreta segurtatuko dien eta langileen lan baldintzak bermatuko dituen osasun lege berri bat garatzeko. Guztiz kontrakoa: interes handiagoa dute deribazioetan eta pribatizazioetan, itxarote-zerrendak eta behin-behinekotasuna etengabe handitzen diren bitartean eta Nafarroako osasun publikoko lan giroa okertzen den bitartean.

Osasun langileak pandemiako heroiak izatetik funtzionario pribilegiatuak izatera igaro gara. LAB sindikatuak ohartarazi dio Nafarroako Gobernuari ez garela ez gauza bat, ez bestea, eta gaur egungo lan baldintzak eta arreta baldintzak onartezinak direla langileentzat. Arduradun politikoek ez dute ez negoziatzeko gaitasunik, ezta anbizio politikorik ere, Nafarroako osasun sistema publikoa garatu eta blindatuko duen lege-ekimen bat aurrera eramateko.

Atzean gelditu da garai bateko interesa lege oinarri berri bat finkatzeko, funtzio publikorako sarbidea aldatzea edo neurrigabeko behin-behinekotasun indizeak jaistea ahalbidetuko lukeena. Alde horretatik, beldur gara enplegua egonkortzeko datorkigun LEP berezia ez ote den izanen arazo bat gehiago, eta ez horretarako konponbidea.

Gobernuari eskatzen diogu ekin diezaiola garapen profesionaleko lege bat egiteari, Osasunbideko eta Nafarroako funtzio publikoko gainerako langile guztiak barne hartuko dituen lege bat (Espainiako estatuko autonomia erkidego gehienetan garatua dago kontu hori, baina Foru Komunitatean erabat ahaztua dute), besteak beste, profesionalei behar dituzten eskumenak emateko eta, horrez gainera, gure lana behar bezalako bermeekin egin ahal izateko beste hainbat alderdi finkatzeko.

Nafarroako Gobernuari eta bereziki Carlos Artundo jaunari gogorarazi nahi diogu legegintzaldi honen hasieran Osasunari buruzko Foru Legea garatzeko konpromisoa hartu zuela sindikatuekin, baina gaur den egunean, ez du ezer egin, eta ez du ezer egiteko inolako asmorik.

LABek dei egiten die langileei eta gainerako sindikatuei, Nafarroako Gobernuari eska diezaioten premiazko kronograma bat Osasunari buruzko foru lege berria berehala garatzeko.

Javier Remirez jaunak eta Osasun Departamentuak negoziatzeari uko egiten jarraitzen badute eta osasun arreta publikoa eta kalitatezkoa bermatzeko proposamenik aurkezten ez badute, LAB sindikatua prest dago gainerako sindikatuekin mobilizazioak egiteko akordioak lortzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.