Gaur itzuliko dira lehiara IDK, Araski eta Gernika

Aurreko asteburuko etenaren ostean, gaur ekingo diote berriz ligari IDK-k, Araskik eta Gernikak. Gaur ez ezik, igandean ere jardunaldia izango dute.

Gaurkoari dagokionez, IDK izango da etxean jokatuko duen bakarra. Gernikaren aurkako derbia irabazi ostean, Bartzelona hartuko dute Gaskan (19:30). Kataluniarrek garaipen bat gehiago dute, eta aurkari zuzenak dira kanporaketetarako sailkatzeko borrokan.

Lehia horretan daude Araski eta Gernika ere. Arabarrek kanporaketa postuetan sendotu nahi dute, Kanaria Handian irabazita (19:00). Bizkaitarrek ere helburu bera dute. Kantxa gaiztoan jokatuko dute: Zaragozarenean (20:00).