Albistea entzun

Pott Bandak 40 urte

PROTAGONISTAK

Berria -

2017ko maiatzak 7

«Garai haietan idazlearen paperari buruzko ikuspuntua oso zaharkitua ikusten nuen nik, baita ustez progresistak omen zirenena ere, gerraondoko kontuak iruditzen zitzaizkidan. Oso gauza astuna! Berunezko traje baten tankera hartzen nion ideologia hari, izan komunistena, izan euskal abertzaleena. Berunezko trajearen ordez, autonomia, askatasuna. Bizitzaren zein literaturaren konplexutasuna aldarrikatu. Nik uste Potten pentsamolde hori nagusitu zela».

Bernardo Atxaga

«Gure hasierako asmoa argitaletxe bat sortzea zen, baina xentimorik ez geneukanez, bitarteko pauso bezala aldizkari bat atera, eta, dirua lortzean, argitaletxea martxan jartzea pentsatu genuen. Hasi ginen fanzine hori egiten, hasieran aldizkari baino fanzineago zena, harik eta Pott tropikala atera genuen arte, ia ehun orrialdeko kote dotorea. Eta harekin pott egin genuen. Taldea sakabanatua zegoen ordurako».

Joxemari Iturralde

«Gaur egunetik begiratuz, orduan izkribatzen genuen gehiena joko multzo bat iruditzen zait. Talde bezala egin genuena, behintzat. Mutil trakets batzuen jokoak, akaso probokazioak ere. Ez zitzaigun erahiltzeko aitarik gelditzen (Aresti hilik zegoen eta besteak -Saizarbitoria, Sarasola, Lete eta abar- gazteegiak ziren gurasoen papera jolasteko). Umezurtz zoriontsuak, geure joko pribatuak errepikatzen genituen orobat ad libitum, inori konturik eman gabe».

Jon Juaristi

«Euskal literatura erresistentzia forma bat zen orduan. Eta ausartuko nintzateke esaten erresistentzia modu apur bat autodestruktiboa zela, borroka armatua eta droga bezala. (...) Niretzat, ostegun iluntzean Bilbo erdian jende harekin elkartzea gauza ederra izan zen, utopia txiki bat».

Joseba Sarrionandia

«Asteak joan eta asteak etorri gehituz joan zen kopurua: sorburuan sei ginen eta denbora pasatu arau 30-40 lagun elkartu ginen. Mahai bat baino gehiagotan kokatu behar genuen eta, noski, konbertsazio bat baino gehiago zeuden. Disziplina ugaritako jendea pilatu zen: antzerkikoak, zinemakoak, pintoreak... Baldin Potten nominan sei baino ez badira kontatzen, zinez askoz gehiago izan ziren».

Manu Ertzilla

«Literatura eta euskara, ordena hori litzateke. Apurtu beharra zegoen, eten bat egin, ez ohikoa den aurreko belaunaldiaren ukazioa bakarrik. Luzarora begira ari ginen, iraganetik ondo ikasita... Gehienek ondo ezagutzen zuten Euskal Literaturan egindakoa».

Ruper Ordorika

* Adierazpenok Pott Banda. Ekilibrista bihotza (1977-1980) liburutik atereak daude

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joxean Fernandez, Maria Pilar Rodriguez, Isabel Herguera, Izaskun Arandia eta Bingen Zupiria, liburuaren aurkezpenean. ©Jagoba Manterola / Foku

'Euskal emakume zinemagileak' liburua plazaratu dute

Andoni Imaz

Euskal Herriko zinemagintzan «funtsezkoak» izan diren emakumezko zuzendariak ditu ardatz, eta Euskadiko Filmategiak eman du argitara. Maria Pilar Rodriguez ikertzaileak koordinatu du artikulu sorta.

Larunbatean hasiko da <em>Bizirik</em> lanaren aurkezpen bira, Donostiako Dabadaba aretoan. ©BENGO

Nork bere burua barkatu artean

Uxue Rey Gorraiz

Aitor Bengoetxea 'Bengo' musikariak lehenengo lan luzea eman du: 'Bizirik'. Zortzi kantu bildu ditu; hiru kolaborazio tartean. Larunbatean hasiko du kontzertu bira, Donostian.

Inauteri giroan murgilduko du herria festibalak. ©GUILLAUME FAUVEAU

Inauterietako dantzak eta musika batuko ditu Hartzaro festibalak

Berria

Otsailaren 10etik 21era egingo dute Uztaritzeko jaialdia, udaberriari ongietorria emateko asmoz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.