Albistea entzun

IRRINTZIKO PAPERAK

'Drag' handi bat galdu du Iruñeak

Olaia L. Garaialde -

2022ko uztailak 15

Kontzertu handi bat ekarriko dugu sanferminetara; inoiz Iruñean ikusi ez den zerbait», esan zuen Enrique Maiak. Otsailetik zebilen sanferminei begira. Zurrunbilo handia sortu zen kontzertuaren harira, norberak bere teoriak zituen. Irrintziko paperek argi azaltzen dute punta-puntako zein talde ekarri nahi zuen. Lumak Trabesti Festa antolatu nahi zuen Nafarroako zenbait trabestirekin, baina Burlatako Udalak eta Maruxak aurrea hartu, eta uztailaren 2an egin zuten jaialdia.

Harrotuk antolatutako ikastaro bati esker ezagutu du Maiak drag-a. Trasbibollomarikak zelatatzera joan zen ikastarora, eta abertzalez mozorrotu zen, inork ezagutu ez zezan. Txundituta, flipatuta, liluratuta, aho bete hortz geratu zen ikusitakoarekin eta ikasitakoarekin. Hortik okurritu zitzaion beste drag batzuekin Celeste Poliester, Donatella Mani, Albina, Stardust, Exia Vermut, Gata al Kuadrado eta Sussie Pussie drag-ekin jaialdi bat antolatzea. Ileordeak, takoiak, galtzerdiak, brillantina eta jantziak prest zituen Kika Korona (Enrique Maia) taularatzeko.

Jende asko pena handiz egonen da ezin izango duelako Maiak prest zuen punta-puntako show-a ikusi. Hala ere, ez tematu; lasai egon. Maia datorren urteko sanferminei begira dagoenez, 2023ko sanferminen egitaraua prestatzen ari da; agian ez baita alkate izanen. Dagoeneko zenbait kontzertu lotu ditu: horien artean, UPN trabestien festa jaialdia antolatu du txupinazoaren egunerako. Horretan parte hartuko dute Strawberry Cake (Yolanda Barcina) eta Tooth Fairy (Carlos Garcia Adanero) trabestiek. Horrez gain, Kika Koronak ikuskizun berezia egingo du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.