Albistea entzun

Fidel Castroren heriotza. Agur ekitaldiak. HABANAKO LEKUKOA

Bizitza paraleloak

Habanako Iraultzaren plazan gauera arte egon dira kubatarrak zain, ilara egiten, iraultzako buruzagiari azken agurra emateko.
Habanako Iraultzaren plazan gauera arte egon dira kubatarrak zain, ilara egiten, iraultzako buruzagiari azken agurra emateko. ORLANDO BARRIA / EFE Tamaina handiagoan ikusi

Iñaki Petxarroman -

2016ko azaroak 30

Gerardok 70 urte inguru izango ditu. Txikia da, eta ezagun du umiltasuna, bai jarreran eta bai arropen itxuran ere. Habanan gobernuak ematen duen hileko elikagai sorta apurrarekin bizitzeko miraria egiten duten hamaika erretiratu horietako bat da. Kazetariari ari zaio begiratzen, jende multzoaren erdian nola ari den sakelakoari eragiten. Ezin izan dio jakin-minari eutsi: «Zer da, anaia?». «Kazetaria naiz, Twitter sare sozialean ari naiz Fidelen heriotzaren berri zabaltzen gure egunkariko irakurleei».

Sare sozialak zer diren azaldu dio gero kanpotarrak, konputagailu bat ere zer den nekez jakingo duen gizonari. «Zuek ez zarete arituko gure komandanteari buruz kaka zabaltzen, munduko hedabide faxista asko bezala?», bota dio, zuzen, begiradari tinko eutsiz, bortizkeria imiñik gabe, ordea. Kazetariak azaldu dio euskalduna dela eta haren egunkaria nahiko abegi onekoa dela Kubako Iraultzarekin. «Eskerrak, hil berri den gizon horrek dena eman digu», esan du. Eta zer pentsatua eman dio haren hitzen sendotasunak, edukitzea kontsumogaien kantitate eta kalitatearen jabetzan neurtzen dela sinetsita bizi den gizarte batetik heldu den batentzat. Gizonak, begi bistan da, ezer gutxi baitu alde horretatik. «Hark sinatutako liburu bat daukat!», jarraitu du gero, etxean oparitu berri dioten jostailu bat duela dioen umearen antzeko ilusioarekin. «Zorionekoa zu!», erantzun dio solaskideak.

Habana erdian, eraikin zargalduen azpian, Frankek eskua luzatu dio errepidea gurutzatzera doan kazetariari. Kuban zenbat aldiz egon den bota dio, ohiko lehenengo galdera. Kalean turista ehizan dabiltzan hamaika gaztek horrela hartzen diote tenperatura kanpotarrari, zenbat ezagutzen duen mugitzen ari den lurraldea. «Lau aldiz», esan dio: «Anaia, kubatarra zara, beraz!», adierazi du limurtzen saiatuz. Ondoko lokalera joateko esan dio, toki historiko horretan Chek bilera subertsiboak egiten zituela Iraultzaren aurretik. Habana osoan mojitoa har daitekeen toki bakarretakoa dela, indarrean den alkoholaren salmentaren debekuaren ondorioz. Presaka dabilela erantzun dio atzerritarrak gazteari. Kalamua ere baduela eta beste edozer, nahi izanez gero. Ezetz. Amore emanda, eskua eman, eta nahi duenerako non aurki dezakeen agurtu du kanpotarra. Kalearen bestaldean, ikasle talde bat doa, UJC Kubako gazte komunisten pankarta batekin. «Fidel, beti garaipenera arte!».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ponsati Generalitateko kontseilari ohia, Puigdemont presidente ohia, Puig kontseilari ohia eta Boye abokatua, atzo, Bruselan. ©LEO RODRIGUEZ / EFE

Erbesteratu katalanak Espainiaratzea baztertzeko irizpideak, zehaztuta

Gorka Berasategi Otamendi

EBko Justizia Auzitegiak ebatzi du Belgikak Espainiako justiziaren «gabezia sistemiko bat» frogatu behar duela haren euroagindu bat baztertzeko. Ez da guztiz lerratu, ez independentistekin, ez Llarenarekin
AEBetako gerra abioi batzuk, Ozeano Atlantikoko hegazkinontzi batean. ©STEPHANIE LECOCQ / EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Borrokarako hegazkinak Kievi entregatzea aztergai dute, baina aliatuek ez dute jarrera bateraturik. AEBek eta Berlinek ezetz esan dute
Carles Puigdemont (erdian) Luxenburgoko auzitegiaren epaia baloratzen, gaur, Europako Parlamentuan, inguruan Clara Ponsati, Gonzalo Boye, Lluis Puig eta Toni Comin dituela. ©Berria

Erbesteratu katalanek ezingo dituzte Belgikaren argudioak erabili Llarenaren euroaginduak baztertzeko

Gorka Berasategi Otamendi

Europako Batasuneko Justizia Auzitegiak ebatzi duenez, batasuneko estatu kide batek ezin dio uko egin beste kide baten euroagindu bati, frogatu ezean azken horrek sistematikoki urratzen dituela eskubideak.

AEBetako F-16 hegazkin batzuk ariketa militarrak egiten Hego Korean ©EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Auzia mahai gainean dago, baina Mendebaldeak ez du jarrera bateraturik. Macronen arabera, hainbat aldagai hartu beharko lirateke kontuan borrokarako hegazkinak entregatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...