Albistea entzun

Koronabirusa

Txertaketa guneetan kezka piztu da, Pfizer dosiak agortzen ari baitira

Eskualdeko Osasun Agentziak hobetsi du Moderna txertoak banatzea. Baionako guneko langileek lana uzteko eskubidea aldarrikatu dute
Baionako txertaketa gunea, artxiboko irudi batean.
Baionako txertaketa gunea, artxiboko irudi batean. GUILLAUME FAUVEAU Tamaina handiagoan ikusi

Oihana Teyseyre Koskarat -

2021eko abenduak 8

Ipar Euskal Herriko txertaketa gune zenbaitetako geroa zalantzan da. Frantziako Gobernuak ezinbestekotzat jo zuen txertoaren indartze dosiaren kanpaina zalutzea. Nahi bai, baina ezin: halakoa da, kasurako, Baionako txertaketa guneko egoera. Pfizer enpresaren txertoak agortzen ari dira bertan, eta, Eskualdeko Osasun Agentziak aurrerantzean txertaketa guneak Moderna txertoarekin hornitzea hobetsi du. Baionako txertaketa guneko langileentzat, «ulertezina da» egoera. «Pfizer txertoaren dosi bat hartzeko ordua hartu duten herritarrei Moderna txertoa eman behar diegu?», galdetu dute.

Izan ere, Eskualdeko Osasun Agentziak argudiatu du Moderna txertoaren kontserbaziorako baldintzak egokiagoak direla txertaketa guneen antolaketarako; hortaz, Pfizer txertoaren dosiak osasun profesional independenteen bulegoetan eta farmazietan jartzen ahalko dira bakarrik. Txertaketa guneetako langileen arabera, ordea, «gardentasuna zor» zaie pazienteei. Argi utzi dute ez dutela Moderna txertoarekiko kezkarik, baina jendeen «hautua errespetatzea» ezinbestekoa dela erran dute. «Arazoa ez da Modernarekin txertatzea; arazoa da herritarrak ez direla aldez aurretik abisatuak, eta gure esku gelditzen dela lan hori ere». Erran dute «gardentasuna zor» zaiela pazienteei.

Hala, Pfizer txertoaren bialak agortzean, lana uzteko eskubidea dutela aldarrikatu dute Baionako txertaketa guneko langileek. Gainera, oroitarazi dute 30 urtetik beherako herritarrek ez dutela baimenik txerto hori jasotzeko. Lehen arretako medikuengana joan beharko dute, beraz, gazteenek ordua berriz hartuta. Jakinda, gainera indartze dosia jartzeko zazpi hilabeteko epea dutela, gehienez ere.

Gobernuaren erantzuna

Frantziako Gobernuko Osasunaren Zuzendaritza Orokorrak BERRIAri adierazi dionez, «ez da arazorik indartze dosia RNA mezularitza bidezko beste txerto batekin egiteko». Lehen dosiak Pfizer txertoarekin eginik ere, Modernaren indartze dosia jar daiteke —eta alderantziz—. Zehaztu dute 30 urtetik beherakoek farmazietara jo dezaketela Pfizer txertoa jartzeko. Bestalde, hitz eman dute Pfizer txertoa jartzeko ordua hartu duten herritarrek txerto hori jarri ahal izango dutela, «banaketa berri» bat egingo duelako «laster» Frantziako Gobernuak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lekukoak badu nondik nora ibili

Julen Aperribai

Korrikaren ibilbidea jakinarazi dute. Mendebaldean hasiko da, eta Gasteiz izango da igaroko duen lehen hiriburua. 2.180 kilometro eginda iritsiko da Donostiara. Otsailaren 1ean zabalduko da kilometroak erreserbatzeko aukera
Aitor Elexpuru (Uema) eta Agurne Gaubeka (Behatokia), atzo, Nafarroako Parlamentuan. ©JAGOBA MANTEROLA / FOKU

Nafarroan euskaraz egin daitezkeen tramite telematikoak, %25etik behera

Ion Orzaiz

Administrazioak «euskaldunen eskubideak urratzen» dituela salatu dute Uemak eta Behatokiak
 ©BERRIA

«Ospitale publikoa egonaldiak saltzen dituen enpresa bilakatu da»

Oihana Teyseyre Koskarat

Figura mediatikoa da Grimaldi. Urteetan, barnetik bizi izan du ospitale publikoaren egoera, eta argi du okerrera egin duela. Jomugan ezarri du Frantziako Gobernuaren murrizketa politika, pandemiak azaleratu dituen egiturazko arazoak salatuz.
Joan den urtean ere egin zituzten osasun publikoa indartzearen aldeko mobilizazoak. ©MARISOL RAMIREZ / FOKU

Bizkaiko Medikuen Elkargoa urtarrilaren 23ko mobilizazioetara batu da

Jone Arruabarrena

ELA, SATSE, LAB, CCOO eta UGT sindikatuek antolatu dituzte mobilizazioak Araban, Bizkaian eta Gipuzkoan, iganderako

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.