Albistea entzun

Badalab abian da, hizkuntza berrikuntzarako «espazio segurua» izateko asmoz

Errenterian dute egoitza, eta hantxe egin dute aurkezpena. Instituzioak eta eragileak bat dira egitasmoan; antolaketa eredu berritzailean ere bai
Agintariak eta Badalabeko arduradunak, atzo, aurkezpenean.
Agintariak eta Badalabeko arduradunak, atzo, aurkezpenean. A.CANELLADA / FOKU Tamaina handiagoan ikusi

Arantxa Iraola -

2022ko uztailak 15 - Errenteria

«Espazio seguru bat» izan nahi du Badalab laborategiak. Behin eta berriz nabarmendu zuen hori atzo goizean hizkuntza berrikuntzaren inguruan ardaztuta ari den laborategiko zuzendari nagusi Goiatz Oiartzabalek. Errenterian dute egoitza (Gipuzkoa), Madalen kalean, eta, hantxe, agerraldi bat egin zuten, esperimentazio gunea aurkezteko. Hango ateak zabal-zabal nahi dituzte beti ekarpenak egin nahi dituzten guztientzat eta, bereziki, gazteenentzat: «Berrikuntzak etorkizunera garamatza, eta etorkizuna bete-betean biziko dutenei galdetu behar zaie. Haien irudikapenetik abiatzen gara, etorkizun horretan euskarak eta hizkuntza gutxituek toki duina izan dezaten».

Defendatzen duten berrikuntzaren erakusgarri izan zen atzoko aurkezpen ekitaldia ere; abatar batek aurkeztu zuen, eta gazteek aparteko tokia izan zuten: errealitate soziolinguistiko askotarikoetatik solastatu ziren etorkizuneko erronkez. Teknologoak ere mintzatu ziren, teknologia berrien eta adimen artifizialaren eskutik helduko diren aldaketez ohartarazi zuten, eta horiek ekarriko dituzten aukeretarako eta erronketarako prestatzea ezinbestekoa dela gogoratu zuten.

Badalabek,ororen gainetik, etorkizuna irudikatzen ahalegintzeko «espazioak, tresnak eta esperientziak» diseinatu eta eskainiko ditu: proiektu «ausartak» nahi dituzte, eta iragarri dute hutsegiteen beldur ez direla izango, uste baitute horiek usu direla ikasteko eta bidean hazteko era bat. «Aniztasuna» eta «digitalizazioa» sakoneko aldaketak eragiten ari dira, oso azkarrak, eta hor eragin nahi dute, batez ere.

2018tik abian da egitasmoa garatzeko prozesua. Gipuzkoako Foru Aldundiaren Etorkizuna Eraikiz proiektu zabalaren barruko habeetako bat da, eta iragarri dute irailetik aurrera jardun betean ariko direla.

Halaber, nabarmendu beharrekotzat jo zuten «lankidetzaren» emaitza dela Badalab. Laborategiaren gaineko gogoeta eta diseinua lankidetza «publiko-sozialaren» ondorioa izan da, eta lankidetza hori «gobernantzara» ere eraman dute orain. Hain zuzen ere, instituzio publikoek badute ordezkaritza gobernu batzordean, baina eragile sozialek ere bai, eta «botere banaketa» lortu nahi izan dute antolaketan; ondorioz, adierazi dute «gehiengoak eraiki» egin behar direla Badalaben. Erakunde hauek parte hartu dute sorreran: Gipuzkoako Foru Aldundiak, Errenteriako Udalak, Soziolinguistika Klusterrak, Euskalgintzaren Kontseiluak, EITBk, Euskal Herriko Unibertsitateak, Arantzazulabek, Euskaltzaindiak eta Langunek. Erakundeotako ordezkaritza zabala egon da gaur Errenterian.

Esperimentazioaren premia

Gipuzkoako diputatu nagusi Markel Olanok esan zuen «esperimentazioa» ezinbestekoa dela egungo gizartearen «sakoneko eraldatzeak» ikusirik, eta txalogarria dela Badalab martxan egotea. Errenteriako alkate Aizpea Otaegik adierazi zuen garrantzitsua dela egin beharreko galderak zein diren «zalantzan» jartzea ere, eta horretara datorrela laborategia. Erakunde sozialen izenean, Olatz Olasok gogora ekarri zuen euskararen biziberritzeak «bere DNAn» txertatuak dituela berrikuntza eta esperimentazioa, eta Badalabek jarduteko era hori hauspotzeko bidea irekiko duela.

Errenteriako Madalen kaleko 27. zenbakiko azken bi solairuetan dago laborategia, hainbat gune bereziturekin. Aldundiak jarri du eraikina egokitzeko dirua, eta Errenteriako Udalak egin du egoitza erabiltzeko lagapena. Bizikide izango dira laster eraikieneko beste solairuetan Errenteriako beste elkarte batzuk ere, elkarren berri izateko denek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Migrante batzuk, Irungo Harrera Sarekoen azalpenak entzuten, atzo, herriko plazan. ©JAGOBA MANTEROLA / FOKU

Zeharkaldirako sareak eraikiz

Jone Arruabarrena

Egunero heltzen dira etorkinak Irunera, Lapurdiko muga igarotzeko asmoz. Irungo Harrera Sareko kideek han egiten diete ongi etorria, eta bidaia ahalik eta modu seguruenean egiteko informazioa eskaintzen diete. Aurten, bi gazte hil dira muga Bidasoa ibaitik gurutzatu nahian.
 ©BERRIA

«Bidean sufritu eta gero, oso gogorra da itsasoan noraezean ibiltzea»

Lide Iraola

MSFren ontziak bederatzi egun egin zituen itsasoan, portu batean lehorreratzeko zain. Ostegunean porturatu ziren, eta, orain, migratzaileei emango zaien osasun arretak eta arta psikologikoak kezkatzen dute Font.
Lodosa Bizirik taldeko kideak, Lodosako kaleen izenak gazteleraz eta euskaraz jarri eta gero, plaka berriei eusten. ©BERRIA

Hutsune guztiak bete arte

Ane Etxandi

Euskara sustatzeko hainbat egitasmo gauzatzen ari dira Estellerriko Erriberan. Berriki, kale izenak ele bitan jarri dituzte, eta, orain, Porrusalda plataforma sortu berriaren bidez, euskarazko kultur jarduerak antolatu nahi dituzte.

Mugimendu feministak antolatutako elkarretaratzea, atzo arratsaldean. ©JAIZKI FONTANEDA / FOKU

Gasteizko jaietan jazotako eraso sexistak gaitzetsi ditu mugimendu feministak

Iñaut Matauko Rada

Sei ziztada, bi eraso homofobo eta ukituengatik hiru atxilotu egon dira jaietan. Autodefentsa feminista aldarrikatu dute erasoei aurre egiteko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...