NATOk eta Afganistanek zibil gehiago hil dituzte aurten talibanek baino

NBEren txosten batek dioenez, Kabulgo gobernuaren aldeko indarrek 717 zibil hil dituzte 2019ko lehen erdian herrialdean, eta talibanek, 531

Igor Susaeta -

2019ko uztailak 31

Unama NBE Nazio Batuen Erakundeak Afganistanen duen misioa 2009an hasi zen zenbatzen hango gatazkak zenbat zibil hiltzen dituen. Unamak joan den apirilean kaleratutako txostenak erakusten zuen Afganistango Gobernuaren indarrek eta NATOko haien aliatuek talibanek baino zibil gehiago hil zituztela Afganistanen aurtengo lehen hiruhilekoan. Azken hamarkadan hori gertatzen zen lehen aldia zen. NBEren misioak aurtengo lehen erdiko datuak eman zituen atzo, eta joerak bere hartan jarraitzen du: Kabulgo indarrek eta atzerriko tropek 717 zibil hil dituzte Afganistanen urtarrila eta ekaina bitartean, eta talibanek, 531. Zenbaki horiek, horrenbestez, zalantzak eragin ditu nazioarteko indarren eraginkortasunari buruz.

Bien bitartean, talibanek, Afganistango gizarte zibileko ordezkariek eta AEBek negoziatzen jarraitzen dute. Joan den urrian hasi zituzten elkarrizketak, Dohan, eta lehengo uztailaren 9an adierazi zuten biktimarik ez eragiteko konpromisoa dutela, hori dela helburua. Horren harira, Tadamichi Yamamoto Unamaren zuzendariak belarrietatik tira egin zien atzo, eta guztiei eskatu zien hartutako konpromisoa betetzeko.

AEBek 2014an bukatu zuten, ofizialki behintzat, 2001ean Afganistanen hasitako misioa. Baina oraindik ere 14.000 bat soldadu dauzkate han. Horiei gehitu behar zaizkie 2015eko urtarrilean NATOk hasitako Erabateko babesa misioarekin bat egin zuten 38 herrialdetako 8.000 soldaduak.

NBEren misioaren txostenak nabarmentzen du, bestalde, biktima zibilen kopuruak —hildakoak eta zaurituak— laurden bat behera egin duela aurtengo lehen seihilekoan, iazko zenbakiekin alderatuz gero —2012az geroztik kopuru txikiena da urteko lehen seihilekoari dagokionez—. Urtarriletik ekainera, hildakoak eta zaurituak kontuan hartuta, 3.812 biktima zibil egon dira.

AEBak ez daude ados

AEBen eta NATOren tropen bozeramaile Sonny Legget koronelak atzo adierazi zuenez, ez da «sinesgarria» Unamak biktimak zenbatzeko erabiltzen duen metodologia. «Horregatik, NBEren misioaren metodoak eta emaitzak arbuiatzen dituzte AEBetako indarrek». AEBek eta talibanek bakearen «esparrurako zirriborroa» egina zutela jakinarazi zuten joan den urtarrilean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Baionako ostatu bat, uztailean. ©Bob Edme

Ostatuak 22:00etan itxi beharko dituzte Ipar Euskal Herrian

Maddi Ane Txoperena Iribarren

Eric Spitz Pirinio Atlantikoetako prefetak neurri berriak iragarri ditu. Ostatuek ezinen dute eramateko alkoholik saldu 22:00etatik aitzina, eta karrikan ezinen da alkoholik edan 22:00etatik 08:00etara. Bezeroen erregistro bat egin beharko dute ostalariek. Ortzegunean jarriko dituzte neurriak indarrean, hamabortz egunerako, gutienez.

Bilboko taberna bat, edukiera murriztuta. ©Jaizki Fontaneda / Foku

Ostalarientzako diru laguntzak eskatu ditu EH Bilduk

Erredakzioa

Sektorea erreskatatzeko plan bat aurkeztu du koalizioak: Eusko Legebiltzarreko osoko bilkurara eramango du.

Ostalariek protesta egin dute gaur Nafarroako Gobernuaren aurrean. ©IÑIGO URIZ / FOKU

Nafarroako ostalariak, itxieraren kontra: «Sektorea kriminalizatzen ari dira»

Ion Orzaiz

Tabernak eta jatetxeak «seguruak» direla adierazi du Nafarroako Ostalaritza eta Turismo Elkarteak. Elkarretaratzeak eginen dituzte ostegunetik aurrera

Udal langileak Azkoienen, kalea garbitzen. / ©Idoia Zabaleta, Foku

Gipuzkoak 100.000 biztanleko 500 positiboren langa gainditu du

Arantxa Iraola-Irati Urdalleta Lete

Hego Euskal Herrian egin dituzten testen %9,2k eman zuten atzo positibo. Eusko Jaurlaritzak ez du «ezer» baztertzen, baina, oraingoz, konfinamenduak eta etxeratze agindua ez daude mahai gainean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna