Albistea entzun

Bizkaiko andrazko sortzaileak saretu nahi ditu BEST topaketak

Guztira 26 sortzaile bilduko dituen solasaldi eta emanaldi programa antolatu du Zelako kultur kooperatibak larunbaterako, Bilbon
<em>Winona & Grace</em> antzezlana; larunbatean ikusi ahal izango da.
Winona & Grace antzezlana; larunbatean ikusi ahal izango da. SON AOUJIL Tamaina handiagoan ikusi

Iñigo Astiz -

2022ko azaroak 17 - Bilbo

Abiapuntu bat ezartzea da sakoneko asmoa. «Bidearen hasiera baino ez da hau». Larunbatean egingo dituzte Bizkaiko Emakumezko Sortzaileen Topaketak (BEST) Bilboko Euskalduna jauregian, baina jardunaldiak egunean bertan izan dezakeen arrakastaz harago du begia jadanik Maria Rivero musikari eta proiektuaren arduradunak. «Larunbatean sortzen den horri jarraipena emateko zerbait artikulatzea litzateke benetako arrakasta». Hamaika diziplinatako 26 emakumezko sortzaile batzen dituen egun osoko egitaraua prestatu dute horretarako. Zelako kultur kooperatiba da antolatzailea, eta Bizkaiko Foru Aldundiaren laguntza izan dute horretarako.

Besteak beste, Lara Izagirre zinemagilea, Itziar Atienza eta Ainhoa Artetxe aktoreak, eta Laura Mintegi, Alaine Agirre eta Lizar Begoña idazleak arituko dira goizeko saioetan hizketan, eta zuzenekoak izango dira arratsaldean. Besteak beste, Maren Basterretxeak Igaro txotxongilo emanaldia estreinatuko du.

«Emakumezko sortzaileak identifikatzeko beharra dago oraindik», azaldu du Riverok, «nor garen jakitekoa, nondik gatozen, zer egiten dugun... Badakigu bidea oso luzea dela, baina larunbatean lehenengo harritxoa jarriko dugu».

Euskaraz izango dira ekitaldiak nagusiki, baina itzulpen zerbitzuak ere izango dira, eta baita zaintza gune bat ere. Aurrez izena eman beharko da jardunaldietan parte hartzeko, zein ekitalditara joan nahi den zehaztuta. Edonola ere, mahai inguruak, bertatik bertara ez ezik, streaming bidez ere zabalduko dituzte.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gaztetxo talde bat, atzo goizean, Durangoko Azokako ateak irekitzeko zain. ©MARISOL RAMIREZ / FOKU

Galdera olde bat ateei bultzaka

Andoni Imaz

Ehunka gazte izan dira Durangoko Azokako Ikasle Goizean, eta haiek ekarri dituzte azokaren itzulerako lehen pilaketak. Kontzertuetan eta tailerretan ere parte hartu dute gazteek
Aurten, 248 erakusmahai jarri dituzte guztira Landako gunean, eta 930 nobedade daude bertan salgai. ©MARISOL RAMIREZ / FOKU

Eta azkenik argia?

Itziar Ugarte Irizar-Iñigo Astiz

Itxaropentsu daude liburu eta disko saltzaileak aurtengo Durangoko Azokak har dezakeen itxurarekin. Azken bi urteak gorabeheratsuak izan direla diote, eta izan da 2020. eta 2021. urteak «hekatonbetzat» jo dituenik ere
Atzoko irekiera ekitaldiko irudietako bat. ©MONIKA DEL VALLE / FOKU

Nerea Mujika: «Bi urte beldurgarriren ondoren, ospakizun garaia iritsi da»

I. Astiz

Gerediaga elkarteko kideek eta ordezkari politikoek «poza» adierazi dute irekiera ekitaldian, Durangoko Azokak ohiko itxura berreskuratzeagatik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iñigo Astiz

Informazio osagarria

Iruzkinak kargatzen...