Mundu osoko hamalau musikari izango dira 27. Musiketan zikloan

Urriaren 13an hasiko da, eta ekainaren 7ra arte iraungo du. Hainbat estilotako hemezortzi kontzertu antolatu dituzte: gehienak, Bilbon
Kate Rusby folk kantariak itxiko du egitaraua, ekainaren 7an.
Kate Rusby folk kantariak itxiko du egitaraua, ekainaren 7an. BRYAN LEDGARD Tamaina handiagoan ikusi

Ane Eslava -

2019ko irailak 28

Musiketan zikloak mundu osoko hamalau musikari ekarriko ditu Bilbora, urritik ekainera, egitasmoaren 27. aldian. Hemezortzi kontzertu antolatu dituzte, igandeetan. Emanaldiak BBK aretoan izan ohi dira urtero. Aurreikusita daudenak ez ezik, gehiago ere antolatzeko aukera dago oraindik.

Lizanne Knott abeslari eta konpositore estatubatuarra izango da oholtzara igotzen lehena: urriaren 13an emango du kontzertua. Bi aste geroago, hilaren 27an, Gaby Moreno Guatemalako pop abeslaria taularatuko da. Dan Owen blues abeslari britainiarrak hartuko dio lekukoa, azaroaren 10ean. Gaztea izanagatik —26 urte ditu—, eta disko bakarra argitaratu badu ere, Owen Europa osoko agertoki askotan jotzen ari da. Ondoren, Dom La Nenaren txanda helduko da: Brasilen jaio zen, eta Frantzian bizi da; abeslari, musikagile eta biolontxelo jotzailea da, eta Tempo izeneko diskoa argitaratu berri du. Azaroaren 24an emango du kontzertua. Urtea amaitzeko, abenduaren 17an, Ingalaterrako Tim Edeyk bere folk doinuak zabalduko ditu.

Urte berriarekin batera helduko da jaialdiko artista adierazgarriena: Elliot Murphy. Olivier Duranekin emango du kontzertua Bilbon, urtarrilaren 12an, eta, hori ez ezik, beste emanaldi bat ere eskainiko du Euskal Herrian, bi egun lehenago, Leioan (Bizkaia).

Azkena, ekainean

Elena Duni abeslari suitzarrak eta Rob Luft gitarra jotzaile britainiarrak izango dira gero, urtarrilaren 26an. Haien ondoren, Sarah McQuaid abeslari, gitarrista eta konpositorearen txanda helduko da, otsailaren 9an. Martxoaren 8an, Eskoziako Iona Fyfe folk abeslaria taularatuko da. Martxoaren, 29an, Bianca Gismonti Brasilgo abeslari, piano jotzaile eta konpositorearen txanda izango da; Julio Falavigna eta Antonio Portorekin batera eskainiko du emanaldia.

Apirilaren 19an, folk eta blues doinuak uztartzen dituen Australiako Hat Fitz and Cara bikoteak hartuko die lekukoa. Maiatzaren 10ean, Martyn Joseph kantautorea arituko da, eta, maiatzaren 24an, Martin Dickinson eta Catherine Ashcroft irlandarrek folk musika ekarriko dute, gitarraz eta Irlandako gaitaz lagunduta. Folk tradizionaleko kantari onenetakotzat hartua den Kate Rusby britaniarrak emango du azken kontzertua, ekainaren 7an.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko alde zaharreko terraza bat, hutsik. ©JESUS DIGES / EFE

Nafarroa itxi egin dute

Joxerra Senar

Bihar gauerditik ezingo da ez sartu eta ez irten, funtsezko arrazoiengatik ez bada. Ostalaritzak ateak itxiko ditu, eta jarduera oro 21:00etarako amaitu beharko da

PCR probak egiten, Ordizian, uztailaren hasieran izandako agerraldian. ©Juan Herrero / Efe

Jaurlaritzak ez du beharrezko ikusten herriak ixtea

Irati Urdalleta Lete

«Transmisio handia» dagoela aitortu du, baina ez du itxierarik egingo. Baheketak egingo dituzte Ordizian eta Durangon

Nafarroako erietxeko oheak garbitzen, iragan apirilean. ©Iñigo Uriz / Foku

«Berriz hura bada?»

Arantxa Iraola

Nafarroako Ospitale Guneko hiru solairu daude COVID-19a dutenez beteta. Langileek diote oraingoan lana «progresiboki» ugaritu dela

Jendea maskarak jantzita Alemanian. ©RONALD WITTEK / EFE

40 milioi lagunetik gora kutsatu ditu COVID-19ak munduan

Maria Ortega Zubiate

Mundu osoko kasuen erdiak baino gehiago AEBetan, Brasilen eta Indian zenbatu dira. Europan eta Amerikan izan du gorakadarik handiena pandemiaren bigarren olatuak

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna