Albistea entzun

Tokio 2020. ESKALADA

ZINTZILIK EUSTEAREN ZIRRARA

Kirol eskalada lehen aldiz izango da Olinpiar Jokoetan. Espezialista onenak abiadura, bloke eta zailtasun diziplinetan ariko dira. Ikuskizun ederra espero da.
Adam Ondra, ahalegin betean, bloke diziplinan.
Adam Ondra, ahalegin betean, bloke diziplinan. SERGEI ILNITSKI / EFE Tamaina handiagoan ikusi

Unai Ugartemendia -

2021eko abuztuak 1

Olinpiar Jokoak kirolak batuz doaz haien egitaraura. Zergatik? Zaharkituta ez geratzeko eta gazteak erakartzeko. Tokiokoetan, surfa, skateboardinga eta kirol eskalada gehitu dituzte olinpiar kirolen zerrendara. Ikuskizun ederra izan da surfean eta skateboardingean, eta eskaladan ere beste horrenbeste espero da. Abuztuaren 3tik 6ra bitartean jokatuko dira eskaladako probak, Aomiko parkean.

Itziar Zabala: «Ikusgarria izango da presioa nola kudeatzen duten ikustea»

Hiru diziplinatan ariko dira eskalatzaileak: abiaduran, blokean eta zailtasunean. Hiruretan egindako lanak emango du irabazlearen izena. Gutxi dira hiru diziplinak guztiz menperatzen dituzten eskalatzaileak, baina hirutatik bitan aurrean ibiltzea ezinbestekoa izango da finalean ariko diren sei eskalatzaileetako bat izateko.

Hogei ariko dira emakumezkoetan, eta beste hogei gizonezkoetan. Munduko Txapelketetan, diziplinak bereizi egiten dira, baina oraingoan bakoitzean lortutako puntuak batuko dira.

Mikel Linazisoro: «Zer egiten dugun ikusteko balioko dio jendeari»

Abiaduran, eskalatzaileek hamabost metroko horma bat igo beharko dute ahalik eta azkarren. Veddriq Leonardo indonesiarrak du munduko marka gizonezkoetan: bost segundo eta hogei ehunen. Emakumezkoena, berriz, Julia Kaplina errusiarraren esku dago: 6,99.

Blokeko diziplinan ariko dira jarraian. Eskalatzaileek 4,5 metroko horma batean babesik gabe aritu beharko dute, forma ezberdinetako blokeetan erori gabe. Estrategia, indarra eta malgutasuna ezinbestekoak dira modalitate horretan.

Zailtasunari dagokion proba izango dute gainditu beharreko hirugarren eta azken oztopoa. Hamabost metroko horma baten gainean, bidean aurkituko dituzten heldulekuekin aritu beharko dute lehian. Sei minutu izango dituzte erori gabe urrunen dagoen heldulekura iristeko.

Patxi Usobiaga: «Baliteke ezusteko handiak izatea»

Gizonezkoetan, Adam Ondra txekiarra da izarrik distiratsuena. Patxi Usobiaga eskalatzaile eibartarraren ikaslerik aurreratuena izan da azken urteetan. 28 urteko eskalatzaileak bost aldiz irabazi du Munduko Txapelketa, eta distira berezia erakusten du zailtasuneko eta blokeko probetan. Abiaduran, ordea, denborarik okerrena du Tokion ariko diren eskalatzaileen artean. Ondraz gain podiumera igo daitezkeenen zerrenda luzea da: Tomoa Narasaki eta Kai Harada japoniarrak, Jakob Schubert austriarra, Mickael eta Bassa Mawem anaia frantziarrak, Alex Megos alemaniarra eta Alberto Gines espainiarra, besteak beste.

Emakumezkoen artean, ordea, faborito argia dago: Janja Garnbret esloveniarra. 22 urteko eskalatzaile gaztea sei aldiz izan da munduko txapeldun; hau da, egungo espezialistarik onena da. Apenas duen ahulgunerik, baina huts egiten badu, hori aprobetxatzen ahaleginduko dira hainbat eskalatzaile bikain: Akiyo Noguchi eta Miho Nonaka japoniarrak, Shauna Coxsey ingelesa, Aleksandra Miroslaw poloniarra eta Petra Klinger suitzarra, besteak beste. Ikuskizuna ziurtatuta dago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez dut aldaketa asko egin; oker legoke egindako lan guztia galtzea»

Iñaki Berastegi

«Familia handi batekin» egin du topo Federico Gallok Ordizian. Taldeak oinarri sendoak baditu ere, arlo fisikoari berebiziko garrantzia eman dio sasoiaurrean. Bartzelonaren aurka jokatuko dute ligako lehen partida bihar, Altamiran (12:00).

Alavesek sasoiko lehen hiru puntuak lortu nahi ditu ligan

Berria

Arabarrek Vila-real hartuko dute, eta Mikel Crespok etxean indartsu izatearen beharra azpimarratu du
Maria Serna jokalaria eta Irene Senac entrenatzailea Txuri-Urdin izotz jauregian, aste honetan, taldearen aurkezpenean. ©GORKA RUBIO / FOKU

Harrobiarekin, aurrera doa

Zuriñe Iglesias Sarasola

Bihar jokatuko du sasoiko lehen partida Txuri-Urdinek. Irene Senac da taldeko entrenatzaile berria, eta multzoa asko aldatu da, hamar jokalarik utzi baitute taldea.
Geraezin segitzen dute zuri-gorriek

Geraezin segitzen dute zuri-gorriek

Ainara Arratibel Gascon

Partida aparta jokatu, eta 4-0 hartu dute mendean Athleticek Almeria. Denboraldi honetan ohikoa duen bizitasunez jokatu du erasoan talde zuri-gorriak, eta oso eraginkor aritu da aurkariaren ate aurrean. Festa izan da nagusi San Mamesen. Iñaki Williamsek, Oihan Sancetek, Nico Williamsek eta Mikel Vesgak penaltiz sartu dituzte golak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Unai Ugartemendia

Informazio osagarria

Iruzkinak kargatzen...