Donostiako 67. Zinemaldia. KRITIKA. Zuzendari Berriak

Gezurren eragina

Uxue Arzelus -

2019ko irailak 26

'Sestra'

Zuzendaria: Svetla Tsotsorkova. Gidoilariak: Svetoslav Ovcharov, S. Tsotsorkova. Aktoreak: Monika Naydenova, Svetlana Yancheva, Elena Zamyarkova, Asen Blatechky. Herrialdea: Bulgaria - Qatar. Iraupena: 97 minutu.

Bulgariako herri txiki bat. Rayna gaztea bere ahizpa eta amarekin bizi da errepide ondoko etxetxo batean. Buztinaren salerosketan lan egiten du familiak: paretatik atera, eta, blokeetan gorde ondoren, kamionetarekin doaz banatzera. Raynak, gainera, buztinezko figuratxoak sortzen ditu, errepide bazterrean jartzen duen dendatxoan saltzeko ondoren. Fantasiaz betetako neska da Rayna, milaka istorio kontatzen dizkie bere artea erostera joaten direnei, eta egunero dabil gezur berriak asmatzen. Baina gezur horietako batek min egingo dio bere ahizpari, eta, konpontzen saiatzen ari dela, bere familiari buruzko egia ulertuz joango da Rayna.

Hasiera indartsua du Svetla Tsotsorkova bulgariarraren proposamenak. Raynaren izaera erakusten digu guk bere aurpegia ikusi aurretik. Neska hotza da Rayna, gezurrak esateko arazorik ez duen norbait. Bizitza erraza ez daukala uler dezakegu; eta, hasiera batean kontrakoa dirudien arren, bere ahizpa estimu handitan dauka.

Filmak aurrera egin ahala, ordea, galtzen hasi naiz. Ez dut Raynaren motibazioa ulertu, zer nahi zuen, zergatik jokatzen zuen jokatzen zuen eran. Eta, beraz, ez dut harekin enpatizatzea lortu. Gezurrak esaten zituen eta erabat galduta zegoen neska hotz bat zen niretzat, eta kosta egin zait filmaren norabidea zein zen ikustea. Estruktura aldetik ere nahasi samarra iruditu zait Tsotsorkovaren filma: dena berandu zetorrela zirudien, noraezean zebilela. Amaiera indartsua du filmak, eta orduan heltzen gara gauzen zergatia ulertzera, baina hori ez da premisa interesgarri bat duen film nahasia orekatzeko gai.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Errepidea blokeatuta Manilan, kasu kopuru handiaren ohartarazpena egiten duen kartel batekin. ©FRANCIS R. MALASIG / EFE

COVID-19ak munduan hemezortzi milioi kasuren langa gainditu du

Jone Bastida Alzuru

OMEk ohartarazi du kasuak bikoiztu egiten direla sei astetik behin. Erakundearen arabera, baliteke inoiz ez egotea sendabiderik. Uztailean inoiz baino kasu gehiago hauteman dituzte munduan

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000euroko «Covid saria» jasoko dute. Frantziako estatuak departamenduei 80 milioi euroko diru laguntza emanen die.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek

Maddi Ane Txoperena Iribarren

Osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna