Noiz sortua: 2019-06-23 00:30:00

Nor da nagusien jabea?

BERRIA

Berria -

2019ko ekainak 23
Hemeretzi 35etik. Espainiako konpainiarik esanguratsuenak biltzen dituen Ibex 35 indizeko 35 enpresetatik hemeretzitan partaidetzak ditu BlackRock funts kudeatzaileak, CNMV Balore Merkatuaren Espainiako Batzordearen arabera (2018ko itxieran). Funts handiek, orotara, 58.000 milioi euroko inbertsioa dute Ibex 35ean, eta kapitalizazioaren %12,7 kontrolatzen dute.

15.592 milioi euroko balioa duten parte hartzeekin, BlackRock da, alde handiz, Ibexean inbertsiorik handiena duen funtsa. Kapitalaren %3tik %6ra bitarterainoko partaidetzak ditu funts erraldoiak, hala nola Santanderren, Iberdrolan, Telefonican, BBVAn, Amadeusen, Repsolen, Caixabanken, IAGn, Ferrovialen, Grifolsen, REEn, ACSn, Cellnexen, Sabadellen, Bankinterren, Merlinen, Enagasen, Colonialen eta Mediaseten.

Funts indexatuekin lan egiten duten heinean, Frantziako enpresa nagusiak biltzen dituen CAC 40 indizeko enpresa guztietan dituzte partaidetzak Vanguardek eta BlackRock. Baina zenbait enpresetan zati esanguratsuen jabe dira. BlackRockena da, esaterako, Totalen %6 baino gehiago, eta antzeko partaidetzak ditu Sanofin, BNPn, Paribasen, Axan, Safranen, Schneiderren...

Dena den, Vanguard da CAC 40an parterik handiena duen funtsa, kapitalizazioaren %2rekin, BlackRocken %1,9ren azpitik. Bien aurretik daude Arnault familia (%3,9), Frantziako Estatua (%2,7) eta Bettencourt Meyers familia (%2,3).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna