Hong Kongeko oposizioaren indar erakustaldia kalean

Txinarako estradizioaren legea bertan behera uzteko eskatu diote gobernuari. Carri Lam gobernuburuak esan du ez duela dimitituko

Ane Ubegun Goikoetxea -

2019ko ekainak 11

Hong Kongen azken urteotan egindako protestarik jendetsuena izan zen igandekoa, baina herritarren kexak ez dira nahikoak izan. Carri Lam gobernuburuak berretsi zuen atzo gobernuak ez duela bertan behera utziko iheslariak Txinara estraditatzea ahalbidetzen duen legea. Manifestazioaren antolatzaileen arabera, milioi bat lagun atera ziren kalera; datu ofizialek, aldiz, diote 250.000 herritar izan zirela protestan. Manifestariek leporatzen diote Txinari erreforma demokratikoak oztopatzea eta Hong Kongeko hauteskundeak manipulatu izana, besteak beste. Gainera, diote estradizioaren lege horrek handitu egiten duela Hong Kongek Txinarekiko duen menpekotasuna. Lamen dimisioa ere eskatu dute.

Lam irmo azaldu zen atzo egindako prentsaurrekoan: «Komunikazioarekin eta azalpenekin jarraitzen dugun bitartean oso abantaila gutxi lortuko genituzke legea kenduz gero. Gizartean kezka handitu egingo genuke, eta zatiketa handiagoa gertatuko litzateke herritarren artean». Horrez gain, nabarmendu zuen ez duela dimititzeko asmorik, eta azaldu zuen etzi elkartuko direla bigarren aldiz parlamentuan estradizioaren legean zer aldaketa egingo dituzten adosteko.

Krisi politiko betean sartu da herrialdea protesten ondorioz, 2014an demokraziaren alde egin zituzten protestekin gertatu bezala. Geng Shuang Txinako Atzerri ministroak babesa erakutsi zion atzo Lami, eta esan zuen «kanpoko indarren» ondorioz piztu direla protestak, baina ez zuen zehaztu zein indarrengatik ari zen. Erresuma Batuak 1997an itzuli zion Hong Kong Txinari, baina estatus politiko berezia onartzearen truke.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna