Albistea entzun

San Juan eta Hibaika dira hautagaiak, baina besteren bat sar daiteke

San Juaneko arraunlariak, trainerua prestatzen, atzo, kaian.
San Juaneko arraunlariak, trainerua prestatzen, atzo, kaian. A. CANELLADA / ARP Tamaina handiagoan ikusi

A. Manterola -

2017ko irailak 3

San Juan, Arraun Lagunak eta Donostiarra bakarrik azaldu ziren atzo goizean Donostiako moilara, Kontxako Banderaren lehen jardunaldiaren atariko azkeneko entrenamendua egitera (11:00, ETB 1). Hibaika Trintxerpe aldean ibili zen, eta itsasoa ere ukitu zuten. «Txarra dago, baina gozatu egin dugu», zioten San Juango arraunlariek. Hibaika ere ibili zen olatuak hartzen: «Entrenamendu ona egin dugu», zioten.

Bien arteko buruz buruko lehia aurreikusten da Kontxako Banderan, baina hau arrauna izanik, ezin da baztertu besteren bat azaltzea. Mecos-Ribeira dago zain-zain, handienek huts egiten badute muturra sartzeko. «Banderarako aukera parean jartzen bazaigu, bila goaz», zioen Silvia Ubeda arraunlariak ostegunean.

Oriok ere badaki gaurko egunez lan ona egiten, iaz ondo erakutsi zuen bezala, eta gai da lehen txandan Hibaika eta Mecos estu-estu jartzeko. Donostiarrak osatuko du lehen txanda.

Zozketak sortu du lehiaren beste korapilo bat, San Juan bigarrenean joango delako, aurkari apalagoekin: Hernani, Deustu eta Arraun Lagunak. Galdera ezinbestean sortzen da bi faboritoei egiteko: zer nahiago dute, aurkaria alboan izatea ala bakarrik joatea?

«Bakarrik ondo moldatuko gara, eta, gainera, izango ditugu Hibaikaren eta lehen txandako besteen erreferentziak. Gure lana ondo egiteko aukera egokia daukagu», zioen atzo Ane Pescadorrek, San Juango arraunlariak. Hibaikako Amaia Etxabegurenek aukeran nahiago San Juan ondoan, «baina ez egonda, agian lasaiago joango gara. Nahiko lan emango digute Mecosek eta Oriok».

Bestalde, gaurko eremu berean, atzo jokatu zen KAE ligako kanporaketako lehen jardunaldia, eta azkarrena Portugalete izan zen. 96 ehunen atera zizkion San Juan B-ri, 3,24 Orio B-ri, eta 5,56 Hibaikari. Gaur erabakiko da dena, Portugaleten, 17:00etan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©THOMAS LOVELOCK / EFE

«Oraino ez naiz ohartzen Jokoetan gertatutakoaz; harrigarria izan da»

Iñaki Etxeleku

Estreinako ikusgarria egin du Alexandre Leaute txirrindulariak Paralinpiar Jokoetan. Lau domina irabazi zituen Tokion; urrezko bat, zilarrezko beste bat eta brontzezko bi. Aita bizikletan ibiltzen zelako hasi zen bera ere. Ahurtin dagoen paralinpiar txirrindularientzako zentroan trebatzen da.
Alaveseko jokalariak, burumakur, Osasunaren aurka galdu ostean. ©JAIZKI FONTANEDA / FOKU

Zurrunbilotik atera ezinik

Eñaut Agirrebengoa

Alavesek latz sufritu du azken bi sasoietan, eta joera berean ekin dio denboraldi honi. Puntu bat bera ere ez du batu lehen lau partidetan; gaur, Espanyolen zelaian jokatuko du (19:30, La Liga).
Athleticeko jokalariak, burumakur, Rayok 1-2koa sartu berritan. ©Aritz Loiola / Foku

Zuri-gorriek azken unean galdu dute Rayoren aurka

Julen Etxeberria

Falcaok 96. minutuan sartutako gol batek eman dio garaipena Andoni Iraolak entrenatutako taldeari San Mamesen. Athletic eskas aritu da

 ©LUR GIL

Pauso erraldoia

Lur Gil

Euskal Herriko sokatiralariek lan aparta egin dute Getxon, Lur Gaineko Sokatirako Munduko Txapelketan. Zazpi domina irabazi dituzte: bi urre eta bi brontze taldekako lehian, eta bi urre eta brontze bat selekzioen artekoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna