Noiz sortua: 2017-10-08 00:30:00

ARGI ALDIAN

Ig Nobelak, ikerketa xelebreenei saria

Ana Galarraga - Elhuyar Zientzia

2017ko urriak 8

Nobel sariak iragartzen diren garai bertsuan, haiekin zerikusia duten beste sari batzuk ere banatzen dira. Ig Nobelak dira, eta saria merezi izateko bi baldintza bete behar dituzte ikerketek nahitaez: batetik, barrea eragiteko gai behar dute, eta, bestetik, pentsarazi egin behar dute. Ikerketa gehienek betetzen dute bigarren baldintza; beraz, lehenengoan dago koska. Edonola ere, aurten ere sorta ederra bildu du sariketaren antolatzaileak, Annals of Improbable Research aldizkariak.

Izan ote daitezke katuak solidoak bezain likidoak?; horra 2017ko Ig Nobeletan saritutako lehen ikerketaren izenburua. Fisikako kategorian jaso du saria, eta, zehazki, erreologia-arloko lana da. Materialen deformazioa eta jarioa aztertzen ditu Fisikaren arlo horrek, eta, ikertzaileek ikusi dutenez, katuak hain dira malguak, ezen, erreologiaren ikuspuntutik, likidoen antza hartzen dute.

Ekonomiako kategorian saritutako ikerketan ere azaltzen dira likidoak eta animaliak. Hain zuzen, ur gaziko krokodilo bat besoetan izatearen eragina neurtu zuten; zertan, eta txanpon-makina batean jokatutako diruan. Ondorioztatu zutenez, krokodiloa besoetan hartu ondoren, jendea zuhurragoa bihurtzen da, eta diru gutxiago jokatzen du aurretik baino. Hala ere, ikertzaileek ez dute gomendatzen krokodiloak ematea ludopatei, haien mendekotasuna tratatzeko.

Biologiako protagonistak ere animaliak dira; Neotrogla generoko intsektu batzuk, hain zuzen, Brasilgo haitzuloetan bizi direnak. Bada, ikertzaileek frogatu dute emeak direla zakila dutenak, eta arrak, berriz, baginadunak.

Norberak etxean egiteko moduko ikerketak ere saritu dituzte. Batetik, Bakearen kategorian, frogatu dute digeridoo musika-tresna jotzeak zurrunga egiteari uzteko balio duela. Anatomiako kategorian, berriz, zahartu ahala gizonei belarriak luzatu egiten zaizkiela erakutsi dute. Bestalde, Jariakinen Dinamikako kategorian, frogatu dute, eskuetan ardo-kopa bat edo kafe-kikara bat duzula atzerantz ibiliz gero, likido gutxiago isurtzen dela, aurrerantz ibilita baino. Eta, azkenik, Obstetrizia kategorian, Kataluniako ikertzaile-talde bat saritu dute, frogatzeagatik 16 asteko giza fetuek gehiago erantzuten dietela musikari baginaren zehar iristen bazaie, sabelaren bestaldetik entzunda baino.

Medikuntza, Nutrizioa eta Zientzia Kognitiboak izan dira saritutako beste kategoriak, eta, ohi bezala, benetako Nobel saridunen eskuetatik jaso dituzte sariak hautatu guztiek. Zorionak denei!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Gazte bat Iruñeko igerileku batera sartzen, joan den astean. ©IDOIA ZABALETA / FOKU

Bi lagun hil dira eta bertze hogei positibo atzeman dituzte Euskal Herrian

Maddi Ane Txoperena Iribarren

Detektatutako azken kasuetatik bosna daude Araban, Bizkaian, Gipuzkoan eta Nafarroan. Baliteke batek lotura izatea Orioko kasuekin

Produktibitatea
Hainbat pertsona Iruñean, maskarak jarrita dituztela. ©IÑIGO URIZ / FOKU

Nafarroan 10.351 pertsonak pairatu dute gaitza, gobernuaren arabera

Igor Susaeta

Hego Euskal Herrian bost pertsonak eman dute positibo PCR proban. Murgarentzat, orain ez dago «transmisio komunitariorako arriskurik»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna