Albistea entzun

KRITIKA. Musika

Haize klasiko boreala

Marta Garcia -

2021eko urtarrilak 19

Euskadiko Orkestra

Zuzendaria: Robert Treviño. Egitaraua: W. A. Mozarten 41. sinfonia, Jupiter; eta J. Sibeliusen 3. sinfonia, op. 52. Lekua: Kursaaleko Auditoriuma, Donostian. Eguna: Urtarrilak 15.

Behzod Abduraimov piano jotzaile uzbekistandarrak bere parte hartzea bertan behera utzi ostean, Euskadiko Orkestrak bere Aire Nordikoa programa aldatu behar izan du azken momentuan: J. Sibeliusen 3. sinfonia mantendu dute, baina B. Bartoken pianorako 3. kontzertua eskaini beharrean, W. A. Mozarten 41. sinfonia berreskuratu dute.

Salzburgoko prodijioak musika benetan distiratsua aurkezten du, gerora Jupiter ezizenaz ezagutu den sinfonia, ia edonoiz entzun daitekeen horietakoa (izan ere, azken zazpi hilabeteetan bitan eman da zuzenean Kursaalean, eta orkestrak berak grabaketa egin zuen ekaina bukaeran Euskadiko Orkestra Martxan! ekimenari esker). Lau mugimenduetan garaiko konbentzionalismoak apur bat tenkatzen dituzten material jostalariak eta irmoak biltzen ditu Mozartek, tarteka entzuleari ziria sartu nahi balio bezala. Arin jardun zen Treviñoren batuta klasizismoaren zirrikituen artean, baina presarik gabe; haizeek gogo lasai eta kitzikaria batu zituzten Menuetto-aren trioan. Interpretazio bizia izan zen orokorrean, azken mugimenduaren erakustaldi ezagunean eztanda eginez.

1904. urtean, bere emazte Ainoren omenez, Ainola izeneko etxera joan zen bizitzera Sibelius familia, Helsinkitik berrogeita hamar bat kilometrotara. Jean bertan hasi omen zen bere 3. sinfoniaren lehen ideiak zehazten, bigarren sinfoniaren arrakastak ekarri zion ospea soinean zuela, eta 1906ko Pohjolaren alaba poema sinfonikoaren zirriborroetan zeuden hainbat material erabili zituen. Bere aurreko obren izaera erromantikotik eta nazionalismoen gaietatik aldenduz, pieza ia neoklasikoa aurkezten du Sibeliusek, aldi berean argia, trinkoa eta zorrotza. Euskadiko Orkestrako biolontxeloak eta kontrabaxuak doi-doi ibili ziren folklore finlandiarraren printzak dituen lehen gaiaren garapenean. Haizeek aurora borealen kolorez bete zituzten Andantino zein Allegro ma non tanto-aren melodiak, eta Treviñok ez zuen aukera galdu azken horri intentsitatea eta hatsa emateko, ereserki solemnearen antza har zezan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©JON URBE / FOKU

«Ez dakit maitasuna gauza natural bat den»

Ainhoa Sarasola

Iruñeko familia bereko hiru emakume belaunaldi jarri ditu protagonista 'Odolekoak' bere lehen nobelan. Haien bidez, ama-alaben arteko loturez eta memoriaz gogoetatu du idazleak, 1941etik gaur arteko garaiaren kronika ere osatuta, aldi berean.
Mogwaik iaz kaleratu nahi zuen diskoa, taldearen 25. urteurrenaren harira. Urtebete geroago iritsi da. ©BRIAN SWEENEY / EFE

Baikortasun geruzetan

Aitor Biain

Mogwai Eskoziako post-rock taldeak 'As The Love Continues' lana kaleratu du. Ohiko moldeetatik askorik aldendu gabe, baikortasun kutsua duten 11 kantuz osatu dute disko berria.

Esparru berriak eta zaharrak

Ihintza Orbegozo

Diskoetxea: Sony Music Australia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.