Euskaltzaindiak literatur lanen fase ugariak landuko ditu

'Idazkien eta hizkuntzen arteko itzulpena: eskuizkribuak, inprimakiak, literatura artxiboak' izenpean egingo dute jardunaldia
Ezker-eskuin, Andres Urrutia, Aurelia Arkotxa eta Ibon Usarralde, atzo.
Ezker-eskuin, Andres Urrutia, Aurelia Arkotxa eta Ibon Usarralde, atzo. L.J. / FOKU Tamaina handiagoan ikusi

Uxue Gutierrez Lorenzo -

2019ko apirilak 9

Ehun urte bete ditu Euskaltzaindiak; horren aitzakian, akademiak egitasmo andana antolatzen dihardu. Horien artean, iazko irailean bederatzi jardunaldi akademiko iragarri zituzten, urtebetean sakabanatuta. Dialektologia, ahoskera eta Arantzazuko Biltzarra (1968) izan dituzte hizpide orain arte, besteak beste. Literaturari egokitu zaio txanda oraingoan: «Literatura letra larriz. Literatura fenomeno unibertsala izanda, euskal literaturak zein beste literatura batzuek izango dute presentzia jardunaldietan». Andres Urrutia euskaltzainburuak adierazi du asmoa. Izenburua ere ideia horren adierazle da: Idazkien eta hizkuntzen arteko itzulpena: eskuizkribuak, inprimakiak, literatura artxiboak. Eta erabat aproposa iruditzen zaio Aurelia Arkotxa antolatzaileari: « Izenean dakar helburua. Asmoa da idazlearen tailerrera joatea». Arkotxak tailerra deritzo sortzailearen artxiboari, argitaraturiko liburuaren «itzalean» dauden idatzi guztiei. Ñabardura bat erantsita: hizkuntza bat baino gehiago erabiltzen dituzten idazleei erreparatuko diete. Urteko jardunaldi zikloen seigarrena izango dira hau. Maiatzaren 16an eta 17an egingo dituzte, Euskaltzaindiaren Bilboko egoitzan.

Mendeurrena ospatzen ari direla-eta, Euskaltzaindiko kideek ondo dakite bide luzeak ibiltzen. Antzeko bidaia batean murgilduko dira han-hemengo 26 hizlari jardunaldietan. Hizlarien artean izango dira Lourdes Otaegi eta Igone Etxebarria euskaltzain urgazleak, Bernardo Atxaga idazle eta euskaltzain osoa edo Rainier Grutman Ottawako (Kanada) unibertsitateko irakaslea. Idazle eleaniztunen testuak jaso dituzte, lehen zirriborrotik hasi eta liburuak beste hizkuntzetara itzultzean jasandako bilakaeraraino. «Hausnarketa bat da. Sorkuntzaren, itzulpenaren eta idazleen artxiboen ingurukoa», dio Arkotxak. Sorkuntza prozesu luzeetan egileek dituzten zenbait tresna izango dituzte aztergai solaskideek: artxiboak eta itzulpena. «Artxiboetako sormena, baina hizkuntza bat baino gehiagoz hornitua. Espazio multikuturala, aniztasunean eta idazkien elkar eraginean oinarritua. Azkenean, mugimenduan dauden liburuak».

Gogoetari sei saio eskainiko dizkiote, eta gaia hainbat ertzetatik jorratuko dute. Ahotan izango dituzte , esaterako, hurbiltze genetikoa, idazleen artxibo eta bibliotekak eta euskara zein itzulpen literarioa eremu garaikidean. Begirada unibertsala izan dadin, orainean oinarritu bai, baina iragana ere aintzat hartu nahi dute, Arkotxak aipatu duenez.

Jakinarazi dute sarrera doakoa izango dela. Dena den, espazio mugatua den heinean, antolatzaileek ohartarazi dute komeni dela izena ematea ahalik eta arinen egitea. Telefonoz zein posta elektronikoz egiteko aukera egongo da, maiatzaren 13ra bitarte. Hurrengo jardunaldiak ekainean eta uztailean egingo dituzte; horietan, onomastika, gramatika eta teknologia berrien eta euskararen arteko harremana izango dituzte aztergai.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Vladimir Putin, Errusiako presidentea, artxiboko irudi batean. ©ALEXEI DRUZHININ / KREMLIN POOL / EFE

Errusiak COVID-19aren aurkako lehen txertoa erregistratu du

Munia El Marhoum Iruretagoiena

Vladimir Putin Errusiako presidenteak adierazi du «immunitate egonkorra» lortzeko modua ematen duela, baina Osasunaren Mundu Erakundeak arretaz hartu du albistea. Munduko kutsatu kopuruak hogei milioiren langa gainditu du gaur.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna