Lesakan (Nafarroa) sortu zen Pepito Iantzi soinu jotzaile, konpositore eta Xey musika taldeko kide izandakoa. Haren herriko Musika Bandak omenaldia egin nahi izan dio, haren jaiotzaren mendeurrenean, eta asmo horrekin prestatu du Pepito Iantzi. Beti bizi izeneko ikuskizuna. Hilaren 23an izango da emanaldia, Donostiako Viktoria Eugenia antzokian, 19:00etan.
Lesakako Musika Banda ez da bakarrik izango oholtza gainean. Herriko akordeoilariekin batera, Estitxu Arozena bertsolariak, Maria eta Mikel Azpiroz dantzariek, Golden Apple Quartet taldeko kideek eta beste hainbat musikarik parte hartuko dute ikuskizunean. Xabier Zabalak egin ditu musika konponketak eta Andoni Egañak, berriz, emanaldiko gidoia.
Autobiografia gisa landu dute ikuskizuna; 'off'-eko ahots bat baliatuz, Iantzik bere bizitzako pasarteak kontatuko ditu. Horiek laguntzeko, irudiak proiektatuko dituzte, doinuekin tartekatuta.
Pepito Iantziren omenez, 'Beti bizi' ikuskizuna egingo dute Donostian
Lesakako Musika Bandak eta beste hainbat musikarik ekarriko dute gogora soinu jotzaile, konpositore eta Xey taldeko kide izandakoa
Iruzkinak
Ez dago iruzkinik
Ordenatu