Noiz sortua: 2018-03-24 00:30:00

Katalunia. Auzipetuak

Presidentegai zena, espetxera

«Egungo egoerari jaramonik ez egitea baino nahiago dut injustiziaren biktima izatearen arriskua», bota zuen Jordi Turull Kataluniako presidentegaiak parlamentuan egindako inbestidura saioan. Preso sartu dute, baina presidente izatera iritsi gabe.
Tamaina handiagoan ikusi

Iñaki Petxarroman -

2018ko martxoak 24

Legealdiko C plan moduan ezagutarazi dute hedabideek Jordi Turull i Negreren (Paret del Valles-Herrialde Katalanak, 1956) hautagaitza inbestidurarako. CUPen abstentzioak galarazi dio Kataluniako presidente izatea, eta helmuga horretara iritsi gabe sartu du preso Espainiako justiziak.

Animalia politikoa eta egoera zailenetan irautera ohitua dago Turull. Pujolismoaren garaitik independentismora jauzi egindako konbergenteen belaunaldi bateko ordezkaririk esanguratsuenetako bat da. Zuzenbideko ikasketak egin zituen, eta gaztetan hasi zen politikan. 1987an hartu zuen Convergenciaren afiliatu agiria, eta kargu garrantzitsuak bete izan ditu, bai Jordi Pujolen garaian eta bai Artur Masenenean. Hain zuzen ere, pujolismoarekin izandako harreman estu horrek sortu izan ditu CUPen eta ERCren erreparoak berarekiko.

Convergenciaren finantzaketaren eta ustelkeria kasuen aroan arduretan bete-betean ibilitakoa da, eta, hari tokatu izan zaio alderdiaren «izen ona» defenditzea, Mas buru zela, Convergenciako parlamentuko bozeramailea izan zen garaian. Hain zuzen ere, epaileen aurretik hasi zirenean hainbat alderdikide igarotzen, haiek babestea tokatu izan zitzaion. Esate baterako, Oriol Pujol Ferrusola —Jordi Pujolen semea— epaitegira lagundu zuen ITV auzian deklaratzera joan zenean.

3 per cent auziarekin ere lotu izan dute, Sant Cugat udaleko gerentea izan zelako, eta udal hori ere nahastu izan dutelako diru publikoaren bidegabeko erabilerarekin. Alabaina, sekula ez dute inputatu ustelkeria kasuengatik.

Parlamenteko diputatu izan da 2004tik, eta Convergencia deuseztatzen ari zen garaian, PdCaten lidergorako lehian jardun zen Martal Pascalekin. Hain zuzen, alderdia aurpegi berriekin lotzeko gogo horrek eman zion Marta Pascali alderdikide gehienen babesa. Askok espero zutenaren aurka, porrot politiko horretatik ere bizirik irten zen, baina, Turull.

ERCrekin koalizioan osatutako Junts Pel Siren garaian, parlamentuko eledunik esanguratsuenetako bat izan zen, eta protagonismo horrek erakarri zuen Carles Puigdemont presidentea. Izan ere, urriaren 1eko erreferendumaren atarian, giro politikoa tentsioz betetzen ari zen abagune batean, harengana jo zuen presidenteak. 2017ko uztailaren 17an, prozesuarekin zalantzan ziren bost diputaturi joaten utzi ostean, gobernuko ardurak eman zizkion Puigdemontek. Orduz geroztik, gobernu eledun lanean aritu zen, eta, rol nabarmena jokatu zuen, erreferendumaren atariko egunetan ez ezik, Katalunian abuztuan jihadistek egin zituzten atentatuen egunetan ere.

Gobernuko eta indepentismoaren zutarririk sendoenetako bat izan zen iazko udazkeneko ibilbide gorabeheratsuetan. Beti azaldu zuen erreferendumaren aldeko jarrera irmoa, eta, beste batzuen kasuan ez bezala, ez du zalantzazko adierazpenik egin prozesuaren inguruan.

Errepublika aldarrikatu ondoren, Bartzelonan geratu zen, eta Espainiako Auzitegi Nazionalera deklaratzera joan zenean, Carmen Lamela epaileak espetxera bidali zuen, matxinada delitu bat egotzita. Handik aste gutxira Pablo Llarena Auzitegi Goreneko epaileak askatu zuen eta Junts Per Catalunyaren kanpainan parte hartzen hasi zen. Modu aktiboan aritu zen Puigdemonten zerrendan, eta protagonismo handia hartu zuen, PDeCATeko beste buruzagi batzuek ez bezala. Esaterako, Artur Masek eta Marta Pascalek askoz hotzago jokatu dute hark baino azken hilabeteotan. Azken asteotan ez du protagonismo berezirik eduki, azken orduan subiranisten inbestidurarako C plan moduan agertokira azaldu den arte. Ez du nahikoa babes izan, eta ezin izan du dastatu sare sozialetan aipatu zuen presidentea izatearen «ohore handia», egun batez bada ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Iñaki Petxarroman

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna