Koronabirusa. INGURUMENA PENTSALDIAN

Euskal Herriko alternatibak

Eguzki plakak, Errekaleor auzo okupatuan, Gasteizen.
Eguzki plakak, Errekaleor auzo okupatuan, Gasteizen. ENDIKA PORTILLO / FOKU Tamaina handiagoan ikusi

Lorea Flores - Greenpeaceko Hego Euskal Herriko koordinatzailea

2020ko uztailak 31

Atzera begiratzen dut, eta konturatzen naiz espazio honetan idazten aritu naizen azken hilabeteetan batez ere krisiaz hitz egin dudala, gaizki egiten dugunaz, eta gauzak hobeto egin beharraz.Energia ereduaren aldaketaren beharraz solastatu naiz, baita energia herritarren eskuetan jartzeaz, agroekologia sustatzeaz lekuko kontsumoa bultzatzeko edota benetako ekonomia zirkular bat bultzatuko duten politikak ezartzeaz ere. Baina gutxi solastatu naiz Euskadin ongi egin diren gauzez eta egin diren ekinbideez. Eta egia erran, gure lurraldean, jada, hainbat ekinbide bultzatu dira nahi dugun norabidean aurrera egiteko balio izan dutenak. Gehienak udal edo eskualde mailako ekimen txikiak dira, eta horregatik, tamalez, ez dira behar luketen duten bezain ezagunak.

Energia arloko ekimenei dagokienez, energia berriztagarriko kooperatibak ezagunak dira, baina, agian, Oñatiko Udaleko, Garesko Jauzien edota Gasteizko Errekaleor auzoko esperientziak ez dira hain ezagunak. Lehenengo biak udal mailako proiektuak dira, zeintzuetan energia berriztagarriaren bidez autohornitu ahal izan diren, kudeaketa publikoaren bidez. Hirugarrenean, Errekaleorreko bizilagunek okupatutako auzoko argi mozketari aurre egiteko, eguzki-plakak jarri zituzten, horrela beren auzoa energiaz hornitzeko. Energia trantsizioan aurrera egiten duten adibide argiak dira hauek, sistemaren demokratizazioa ziurtatuz, energia garbia jendearen esku jarriz.

Tokiko produktuen kontsumoari dagokionez, Baztango Udalaren Zer jan, halako Baztan kanpaina nabarmendu nahiko nuke, bertako produktuak sustatzen baititu. Gainera, zenbait kolektibok eta pertsonak pandemiaren hasieran sortu zituzten ekinbide ugari gogoratu nahi nituzke. Hain zuzen ere, jatetxeak eta merkatuak ixtearen ondorioz, beraien produktuak saltzeko zailtasunak zituzten ekoizle txikiei irtenbidea ematen saiatu direnak. Ekinbide horien artean dago Baserriko Plaza webgunea, ekoizle txiki horien informazioa biltzen duena, interesa duten kontsumitzaileen esku jartzeko. Pandemian sortutako beharretatik sortu ziren ekimen horiek, baina behar dugun elikadura ereduaren aldaketarako ezinbertzekoak dira.

Azkenik, Iratiko hiri hondakin solidoen inguruan mankomunitateak sortutako ekinbideaz hitz egin nahi nuke, tokiko moneta baten bidez (Irati) birziklatzea eta tokiko merkataritza sustatzea lortu baitu. Normalean errefusaren zaborrontzian amaitzen duten eta ontziak ez diren plastikoak bereizten dituzten bizilagunak saritzen ditu ekinbide horrek. Mankomunitateak plastiko horiek erosten dizkie, trukean iratiak emanez, gero bizilagunek inguruko dendetan erabil ditzaten. Landa eremuan sortutako hondakinen eragina murriztu eta tokiko merkataritza dinamizatu nahi duen proiektu eredugarria da.

Badakit testu honetan aipatu ez ditudan antzeko bertze proiektu anitz egonen direla. Badakit gaur egun jende anitz ari dela inurri lanetan, gauzak bertze era batera egin ahal izateko, gure planeta erabat suntsitzen ari den egungo sistemaren alternatibak abian jartzeko. Horregatik nabarmendu nahi nituen hemen ekinbide horietako batzuk, inspiratzeko eta haien urratsei jarraitu ahal izateko. Aldaketarako ahalmena gure esku dago, denak izan gaitezke behar dugun aldaketaren eragileak. Bob Hunterrek zioen bezala: «Aldaketa handiek hasieran ezinezkoak dirudite, eta geldiezinak amaieran».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Haur pornografiari lotuta poliziak atxikitako material informatikoa, artxiboko irudi batean. ©HANS KLAUS TECHT / FE

Hiru gizon atxilotu dituzte adingabekoen pornografia zabaltzeagatik

Berria

Espainian eta Galizian egin dituzte atxiloketak. Biktimak, ordea, euskal herritarrak dira, 12 eta 15 urte artekoak.

Bezeroak Baionako Orbe karrikako erakusleiho bati begira, atzo. ©BOB EMDE

Dendak zabalik, eta gainezka

Oihana Teyseyre Koskarat

Hilabetez hetsirik egon ondoan, dendak ireki dituzte berriz Iparraldean. Gelditurik jarraitzen duten sektoreek protesta egin dute

 ©JAIZKI FONTANEDA / @FOKU

Parlamentuak, 'ahogeldo'

Lander Muñagorri Garmendia

Nafarroako Parlamentuan eta Eusko Legebiltzarrean ostegunean egin zituzten osoko bilkuretan euskara zenbat erabili zen neurtu du BERRIAk. Bi ganberen artean, hitz egindako hamar minututik bitan baino ez ziren aritu euskaraz.

Birusa atzemateko antigeno testak, Zarauzko (Gipuzkoa) osasun etxean. ©Gorka Rubio / Foku

580 positibo atzeman dituzte Hegoaldean, urriaren 5etik erregistratutako gutxien

Berria

Osakidetzaren eta Osasunbidearen artean 10.637 proba egin zituzten atzo.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna