EGUZKI EPELEAN

Administrazioaz eta kudeaketaz

Garbiñe Ubeda Goikoetxea -

2020ko abuztuak 9

Batere sanoa ez den giroan bizi garela bagenekien, izurritea iritsi aurretik ere. Izan ere, zer ustelago, zeure lurraldean atzerritar, hizkuntza naturalean bazterreko, emakume gorputzean ezeroso, habitatean espezie kutsatzaile eta lanean beti kolokan sentitzea baino. Handietan handiena bota beharra dirudi horrela esanda, baina horiek eta latzagoak eragiten dizkigu halabeharrez sustengatzen dugun gizarteak.

Gu bezain galduta ikusten ditut politikariak, eta batez ere agintariak, arre esan baina iso eginez beti, legaltasun tranpati eta betiere inposatuak kezkatuago dituelako, bestelako politika egiten saiatzeak edo arazoari muinetik heltzeak baino; edo kudeaketa botere-partzela itxitan banatuta daukatelako eta azkenerako osotasunari erreparatzeko gauza ez direlako. Kultura sailak apenas dakien Hezkuntzaz, Hezkuntzak Ingurumenaz, Ingurumenak Osasunaz, Osasunak Industriaz, Industriak Kulturaz...

Gaur egun, administrazioan atea jotzea medikuarenera joatea bezalatsu da. Zehatz-mehatz esan behar non duzun min —ondoeza orokorra izanagatik ere—, beren terminologiara errendituko den gaitza aurkitzeko, eta horren araberako departamentura bideratzeko. Funtsean, oftalmologoarekin begiez mintza zaitezen, eta ez, demagun, eskuin oineko behatz lodiak egun euritsuetan ematen dizkizun lanez. Efizientzia helburu, hortaz. Baina zure minak sailkapen zurrunetik harago baldin badoaz, ezinbestean zeharkakoak eta askotarikoak baldin badira edota interkonektatuago baldin badaude —gehienetan uste baino zailago da Kultura eta Hezkuntza bereiztea, edota Hezkuntza eta Industria, edota Industria eta Kultura...—, leihatilaz leihatila alderrai ibiltzera eta bidean galtzera kondenatuta zaude, garai batean postara edo gizarte segurantzako bulegoetara joaten zinenean bezala.

Egun gorriak datozkigula gauza jakina da. Lanpostuak galduko direla, ekonomia are makurtuko dela, abuztuko oporraldia amaitu orduko. Ikusteko dago Europatiko diru-laguntzaren letra txikiek zertara behartuko gaituzten, zer misterio gordetzen duten (geure motzean susmatzen dugun arren); baina batik bat, irizpideak irizpide eta arauak arau, Barne Produktu Gordinari soilik emango zaion garrantzia ala osotasunari zentzuz erreparatzeko gai izango garen.

Ez gaitzala izurriteak itsutu, eta are gutxiago antzutu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna