Albistea entzun

Koronabirusa

Herri Urrats, Ibilaldia eta Araba Euskaraz beste garai batean egitea aztergai dute

Udaberriko ikastolen aldeko jaiak bertan behera utzi dituzte, eta beste formatu edo garai batean egitea posible den pentsatzen ari da elkartea
Ze Esatek taldearen kontzertua, iazko Araba Euskaraz jaian, Armentian.
Ze Esatek taldearen kontzertua, iazko Araba Euskaraz jaian, Armentian. ENDIKA PORTILLO / FOKU Tamaina handiagoan ikusi

Oihana Teyseire Kostarat -

2020ko apirilak 4

Ikastolen Elkarteak atzo jakinarazi zuenez, udaberrian egitekoak ziren ikastolen aldeko jaialdiak bertan behera utzi ditu, koronabirusa dela eta. «Saminez hartu behar izan dugu erabaki hau, baina ez zegoen beste irtenbiderik. Euskal Herrian eta munduan maiatz eta ekainerako antolatutako ekitaldi guztiak bertan behera geratu edo atzeratu egin badira, ezinezkoa zen gu salbuespena izatea», azaldu zuen Koldo Tellitu elkarteko lehendakariak.

Osasun krisia dela-eta sortu den egoeran beste lehentasun batzuk ditugula argudiatu zuen. «Larrialdi egoera global hau amaitu bitartean ezingo dugu ospakizunik egin, are gutxiago ikastolen jaien tamainakorik».

Tellituk azaldu zuenez, hiru festa horiek beste garai batean egitea aztertzen ari dira: «Guretzat jai horiek oso garrantzitsuak dira. Auzolanaren bitartez ikastolakideon artean harremanak estutzeko erabiltzen ditugu, euskal kulturari bost plaza handi eskaintzen dizkiogu, euskarari bozgorailu handi bat jartzen diogu, eta, era berean, hainbat proiektu aurrera ateratzeko finantzaketa lortzen dugu».

Harekin bat egin zuen Peio Jorajuria Seaskako lehendakariak: «Herri Urratsek proiektu berriak laguntzen ditu, baina, bereziki, jadanik eginak ditugun zorrak estaltzen laguntzen digu», eta segurtatu zuen ekitaldia «nahi eta nahi ez» antolatuko zutela, Ipar Euskal Herriko ikastola guztientzako «baitezpadakoa» delako.

Beñat Bidegain Herri Urratseko lehendakariak adierazi zuenez, 1984tik lehen aldia da jai hori ezeztatzen dutela. Oraingoz ez dute debekurik jaso, baina «denen osasuna bermatu» nahi dute. Hala ere, ekitaldia udazken hastapenera atzeratzea pentsatzen dute, baina oraindik goiz da data bat finkatzeko. «Herri Urrats ezinbestekoa denez, Herri Urrats eginen da. Elkarteak pentsatu du ekitaldia irailera pausatzea. Momentuko, data ez dugu finkatu, baina jakin bezain laster jakinaraziko dugu», agindu zuen.

Antolatzaileei, eskerrak

Udazkenean Kilometroak eta Nafarroa Oinez egiten direnez, orduan egiteko zailtasunak daudela aitortu dute. Datozen egun eta asteetan hausnartuko dute horren inguruan. Edozein moduz, beste formatu batean egitea ere ez du baztertzen ikastolen elkarteak. Hala iradoki zuen udaberriko ekitaldiak prestatzeko laguntzen ari zirenei eskerrak emateko eman zuen mezuan. «Guztiei eskerrak eman nahi dizkiegu, eta guztiak aintzat hartuko ditugu udaberriko jai hauek beste data batzuetara, eta, akaso, beste formatu batzuetara eramaten ditugunean».

Nagore Fernandez Herri Urratseko kideak prestaketa lanetan aritu diren guraso eta laguntzaileak eskertu zituen: «Dena prest genuen maiatzaren 10erako, baita gastu batzuk aitzinatuak ere. Hainbat gastu, hainbat bilkura ordu, hainbat guraso itzaleko lanetan, eta orain dena zintzilik. Herri Urratsen izenean, eskertu nahi ditugu».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Presidenteen Konferentziara joango dela esan du Urkulluk

Presidenteen Konferentziara joango dela esan du Urkulluk

Arantxa Iraola

Gai «garrantzitsuak» hizpide izango dituztela esan du, besteak beste pandemiaren kudeaketa, eta han izango dela

Agirrebeitiaren senideak agurra jasotzen, gaur, Elgoibarren. ©Andoni Canellada / FOKU

36ko gerran hildako miliziano baten gorpuzkiak itzuli dizkio Jaurlaritzak familiari

Berria

Esteban Salsamendi batailoi komunistan izan zen Aniceto Agirrebeitia Lazpita. Haren gorpuzkiak iazko abenduaren 20an berreskuratu zituzten, eta, gaur egindako ekitaldian, sendiak Elgoibarko Duintasunaren Kolunbarioan hobiratu ditu.

 

Koronabirusaren aurka txertatzeko gune bat, Londresen. ©Andy Rain / EFE

Ingalaterrak berrogeialdia egiteko beharra kenduko die Europako Batasuneko bidaiari txertatuei

Edu Lartzanguren

Eskoziak, Galesek eta Ipar Irlandak eskuduntza propioak dituzte, eta ez dute oraindik hartu halako erabakirik.

Azalpenak eskatu dizkiote Sabino Arana fundazioari, Francoren irudi bat erabiltzeagatik

Edu Lartzanguren

Ignacio Zuloaga margolariak diktadoreari eginiko erretratuarekin ilustratu du fundazioak artistaren jaiotzaren urteurrenaren berri emateko mezua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna