Albistea entzun

Koronabirusa. ANALISIA

Endemia, 'de facto'

Mikel P. Ansa -

2022ko urtarrilak 29

Omikronak dena aldatu du, eta azkar gainera. Pandemia bukatzen ari ote den eta gaitza egoera endemiko batera igarotzen ari ote den, eztabaida zabalik dago. Aiseago zabaltzen da aldaera hau, eta, itxura batera, sintoma arinagoak eragiten ditu, nahiz eta batzuei ere gogor eragin. Eta ezin ahaztu txertoek ere eragina dutela arintze horretan. Baina aldaera hau horrenbeste zabaldu da, ezen ospitaleratuen eta hildakoen kopurua goraka bultza baitu ikaragarri. Eta hainbeste zabaldu denez, ezin da baztertu mutazio berriak eragitea, eta ezin da jakin horiek nolakoak izango diren. Goiz da endemia hasi dela baieztatzeko, beraz. Eta horixe esan dute Eusko Jaurlaritzako ordezkariek ere berriki.

Baina paradoxa zein da? Eusko Jaurlaritza eta Nafarroako Gobernua, de facto, endemikoa balitz bezala kudeatzen hasi direla koronabirusa, erabat ezinduta. Joan den urrian, datuen jarraipena egunero egiteari utzi zion Jaurlaritzak, aztarnari taldeak hustu zituen, eta bi gobernuek lehen arretan jarri dute gaitzaren zama guztia, apenas inbertitu gabe, eta urtarril hasieran positiboak jarraitzeari utzi zioten. Pandemia kudeatzeko sortu ziren tresna asko galdu dira, eta gobernuek endemia baten exijentziak jartzen dizkiote beren buruari, herritarrei pandemia baten aginduak ematen dizkieten bitartean. Pandemiatik endemiarako trantsizioa de facto egin dute gobernuek kudeaketan, eta txertoetan jarri dute esperantza bakarra.

Bidean, desastre mordo bat pilatu dira: lehen arretako erizainak eta medikuak lehertzen ari dira, gaixo askoren osasun beharrak artatu gabe utzi dira, positibo emandako umeak dituzten gurasoak abandonatu dira, etxean kutsatuak dituztenak lanera joatera behartu eta berrogeialdiak murriztu dira produkzio katea ez eteteko, umeei ziurtagiria eskatu zaie eurek txertatzea erabaki ezin badute ere... Praktikan, gripeari bezala egin zaio aurre —ziurtargiriaren kontu hori gehituta—, sortutako gabeziei entzungor eginda. Enpatia gutxi sentitu da. Eta haserrea handitzen. Eta, azkenerako, txertatu gabeei COVID ziurtagiria lortzea ia ezinezko bihurtu zaie, osasun zerbitzu publikoek PCR bat egitea ameskeria bihurtu delako, eta hartara, praktikan, txerto ziurtagiri bilakatu da COVID ziurtagiri zena.

Herritarren artean ezinegona eta haserrea erein ditu egoerak, eta txertoen hirugarren dosian ikusten da adierazle bat: 40 eta 49 urte artekotan, Hegoaldean, lehen dosia hartu zutenen erdiek soilik hartu dute hirugarrena. Oraindik igoko da ehuneko hori, baina desafekzio bat gertatzen ari den seinale da. Administrazioek hiru aldiz pentsatu beharko lukete, beste olatu bat etorriko balitz, ziurtagiriarekin eta laugarren dosiarekin aurre egin nahi ote dioten. Eta lau aldiz pentsatu beharko lukete zenbat jende utzi duten bazterrean azken olatu honetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kote Cabezudo, 2018an haren kontra egin zuten epaiketa saio batetik ateratzen. ©Juan Carlos Ruiz / Foku

Kote Cabezudo argazkilariari 28 urteko zigorra jarri diote

Jon O. Urain

Gipuzkoako Probintzia Auzitegiak bortxaketa delitu bat, sexu abusuen beste bat, haur pornografiako sei eta bi iruzur delitu egitea egotzita zigortu du.

Goizean egin dute proposamena Bilbon ©Marisol Ramirez / FOKU
Haur bat eskolan, artxiboko irudi batean. ©Jon Urbe / Foku

Hiru herritarretik bik babesten dute ikasleen «euskalduntzea bermatzeko tresnak» jartzea

Jon O. Urain

Naziometroaren laugarren neurketaren arabera, Espainiako eta Frantziako estatuen lurralde antolaketarako formula batzuk aukeratzean lehen aukera da oraindik ere «erkidegoei erabakitzeko eskubidea aitortzen» dien estatua (%31,5).

Trans lege egitasmoa onartu du Espainiako Ministroen Kontseiluak

Edurne Begiristain

Genero autodeterminazioa du ardatz arauak. Lege egitasmoak jasotzen duenez, 16 urtetik gorakoek beren kabuz eskatu ahal izango dute sexu aipamena aldatzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...