Albistea entzun

Julia Ducournauren 'Titane' filmak irabazi du Urrezko Palma Cannesko jaialdian

Leos Caraxek lortu du zuzendari onenaren saria, 'Annette' filmagatik. Epaimahaiak 'ex aequo' saritu ditu 'Hytti Nº6' eta 'Ghahreman' lanak
Julia Ducournau zinemagilea, atzo, Cannesen.
Julia Ducournau zinemagilea, atzo, Cannesen. IAN LANGSDON / EFE Tamaina handiagoan ikusi

Ainhoa Sarasola -

2021eko uztailak 18

Denetariko erreakzioak eragin zituen Cannesen Julia Ducournauren Titane filmak. Txaloak adina txistu entzun ziren aretoan zinemagile frantsesaren bigarren film luzearen emanaldian, eta kritikak ere proposamen arriskatutzat jo zuen osagaien artean sexua eta indarkeria dituen lan hori. Bada, arriskua hartu izana aitortu zion atzo 74. jaialdiko epaimahaiak, Urrezko Palma hari emanda. Ezusteko eta guzti, gainera, agentzien arabera, Spike Lee epaimahaiburuak behar baino lehen iragarri baitzuen irabazlearen izena sariak emateko ekitaldian. Sharon Stone aktorearen eskutik jaso zuen garaikurra zuzendariak; emakume batek ondutako lan batek jaialdiko sari nagusia irabazi duen bigarren aldia da —Jane Campionek 1993an lortu zuen, The Piano filmarekin, baina Chen Kaigeren Ba wang bie ji (Farewell My Concubine)-rekin ex aequo izan zen ordukoan—.

Bestalde, epaimahaiak bere aitortzetako beste bi ex aequo ematea erabaki zuen. Epaimahaiaren sari nagusia Juho Kuosmanen zuzendari finlandiarraren Hytti N°6 eta Asghar Farhadi zinemagile irandarraren Ghahreman filmek irabazi zuten. Eta epaimahaiaren saria, berriz, Apichatpong Weerasethakul thailandiarraren Memoria-k eta Nadav Lapid israeldarraren Ahed's Knee-k.

Zuzendari onenaren saria Leos Carax zinemagile frantsesak eskuratu zuen, Annette filmagatik. Memoria-rekin batera, faboritoen artean aipatzen zuten askok Ryusuke Hamaguchi zuzendari japoniarraren Drive My Car (Doraibu mai kâ), eta gidoi onenaren saria lortu zuen azkenean.

Gizonezko aktorerik onenaren saria Caleb Landry Jones estatubatuarrak irabazi zuen, Justin Kurzelen Nitram filmean eginiko lanagatik. Eta emakumezko aktorerik onenaren saria, berriz, Renate Reinsve norvegiarrarentzat izan zen, Joachim Trierren Verdens Verste Menneske filmeko antzezpenagatik.

Halaber, lan laburrik onenaren Urrezko Palma Tang Yi zuzendariaren Tout les corbeaux du monde filmarentzat izan zen; eta epaimahaiak aipamen berezia eman zion Jasmin Tenucciren Céu de agosto filmari. Zuzendari baten lehen filma saritzen duen Camera D'or saria, berriz, Antoneta Alamat Kusijanovicentzat izan zen, Murina lanagatik.

Marco Bellocchioren ibilbidea ere saritu zuen jaialdiak, Ohorezko Urrezko Palma hari emanda.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Inoiz Donostiako Zinemaldia bisitatu duten 800 zinemagile zein aktoreren irudiak ikus daitezke erakusketako <em>Photocall</em> instalazioan. ©MAIALEN ANDRES / FOKU

Alfonbra gorri bat publikoari

Ainhoa Sarasola

Donostiako Zinemaldiaren 70 urteotako irudiak jarri dituzte ikusgai 'Imajinatu Zinemaldia' erakusketan, Tabakaleran. Omenaldia egiten die jaialdiari eutsi diotenei, ikusleei bereziki
Turistak, Bilboko Guggenheim museoko atarian, Jeff Koons artistaren <em>Puppy</em> eskulturaren aurrean argazkiak ateratzen. ©ARITZ LOIOLA / FOKU

Inork ikusten al du 'Puppy'?

Iñigo Astiz

1997an jarri zuten Jeff Koons artistaren txakur erraldoia Bilboko Guggenheim museoko atarian, eta paisaiaren parte bihurtua da dagoeneko. Ez guztiz, ordea.
Metallica taldeak atzo iluntzean Bilbon emandako kontzertuaren irudia. ©Miguel Toña, EFE

Metalararen dardara bizia Bilbon

Berria

Zalantza egunen ondotik, Metallicak kontzertua eman du bart San Mamesen, 45.000 lagun aurrean. Niña Coyote eta Chico Tornado, Nothing But Thieves, eta The Hellacopters ere aritu dira.

Bisitari bat Donostiako Ekain galerian, Amable Ariasen zenbait lanekin irekitako erakusketan. ©JUAN CARLOS RUIZ / FOKU

Nekez zeharkatzen diren ateak

Itziar Ugarte Irizar

Ahotik ahora dabil esaldia galeristen artean: «Garai zailak dira». Ez da berria sektorearen apaltzea, arte salmentaren urritzea, baina azken bi urteetako giro nahasiak eta arteak gizartean izan duen lekualdatzeak formula berriak lantzera behartu ditu sektoreko askotariko profesionalak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...