Albistea entzun

SOSLAIA. Pello Lizarralde

Soiltasunaren sakontasuna

JUAN CARLOS RUIZ / FOKU Tamaina handiagoan ikusi

Ane Eslava -

2021eko apirilak 30

Erritmo biziari, azalkeriari eta ikuskizunari izkin egin, eta patxadaren eta soiltasunaren aldeko hautuari eusten dio Pello Lizarralde idazleak (Zumarraga, Gipuzkoa, 1956), joera nagusietatik kanpo. Artifiziorik gabeko literatura du berea, baina oso neurtua. 1978an eman zuen lehen liburua, Hilargiaren hotzikarak poesia lana, eta zazpi eleberri eta bi ipuin bilduma kaleratu ditu ordutik; besteak beste, Larrepetit, 2003an Euskadi Saria jaso zuen eleberria. Iaz Argiantza nobela (Erein) argitaratu zuen, eta, hain zuzen ere, lan horri eman diote 111 Akademiaren 2020ko saria. Akademia osatzen duten 202 kideetako 117k bozkatu dute, eta harena aukeratu dute urteko libururik gogokoena. Atzo jakinarazi zuten erabakia.

Eleberria 1982an kokatuta dago, eta jardun arruntetan diharduen pertsonaia arrunt bat du protagonista. Haren bitartez, garai baten eta bizitzeko era baten amaiera erretratatu du idazleak. Iraganeko gertaerek orainean duten eraginaz hitz egin du, epika eta balentria handiko gertaerarik gabe. Pertsonaien ekintzak xehetasunez jaso ditu, pertsonaia horien sentipenak adierazteko, hitzez hitz deskribatu gabe.

Liburuaren harira, iazko abenduan BERRIAri adierazi zion egun literatura light-a nabarmentzen ari dela, sentimendu «onetan» oinarritutakoa, eta, zilegi izan arren, ez zaiola interesatzen: «Astero joaten naiz liburu dendetara, eta han askotan entzuten dut zer eskatzen duen jendeak, eta euskaldunen artean ere berdin: 'Halako irakurri nuen, eta asko gustatu zitzaidan, ze polita'. Niri, polita entzuten dudanean, tripak mugitzen zaizkit».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Aizpuru aktorea, <em>Loreak</em> filmeko eszena batean. ©JON URBE / FOKU

AMONATXOAREN IDEIA ZARTATZEN

Olaia L. Garaialde

Zaharrak eta zahartzaroa modu askotara irudikatu daitezke zineman eta antzerkian; BERRIAk gai horri buruz gogoetan jarri ditu zenbait aktore eta zinemagile. Batzuek nabarmendu dute gero eta pertsonaia gehiago sortzen ari direla, nahiz eta asko rol jakin batzuetara mugatuta egon.

Irene Nemirovsky. ©BERRIA

Literaturaren maleta galduak

Joannes Jauregi

Aurten laurogei urte dira Irene Nemirovsky idazlea Auschwitzen hil zutela. Haren 'Suite frantsesa' eleberriak naziek Frantzia okupatu zutenekoa kontatzen du.

James Baldwinen irudiarekin egindako muntatzea. ©ANE GARCIA
Girlschool taldeko Kim McAuliffe, herenegun, Bilbon. ©MONIKA DEL VALLE / FOKU

Girlschool, bigarren lerroan duin

Gotzon Hermosilla

Girlschool taldeak Music Legends jaialdian jo zuen herenegun, Bilbon, eta rock gogorraren eremuan lau hamarkada baino gehiago iraun duen ibilbideari errepasoa egin zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...