Albistea entzun

Euskal presoen lehen ekarpenak jaso ditu Sortuk

Azaroan oinarri ideologikoa eztabaidatu ostean 240 biltzarretan, Sortuk ildo politikoaren gogoeta hasi du

Erredakzioa -

2012ko abenduak 16

Sortu prozesu eratzaile batean murgilduta dago. Azaroan oinarri ideologikoen inguruan eztabaidatu ostean, ildo politikoaren ingurukoa izan zen atzoko eztabaida. Urtarrilean, barne antolamendukoa etorriko da. Hego Euskal Herri osoan 240 herri batzar egin zituzten. Errenteriako biltzarrean parte hartu zuen Joseba Alvarezek, Sortuko talde sustatzaileko kideak. Kazetariei adierazi zienez, arlo politikoa «eztabaida ildo nagusia da», besteak beste estrategia orokorra eta hura gauzatzeko taktikak jasotzen dituelako. Eztabaida eratzailean euskal preso politikoen lehen ekarpenak biltzen hasi dira.

«Txostenak kartzeletara bidali genituen; ez genekien sartuko ote ziren edo ez, baina, zorionez, bai Espainiako Estatuan, bai Frantziako Estatuan normaltasunez sartu dira. Presoetako batzuek txostenak irakurri dituzte, eta hasi dira ekarpenak egiten», azaldu du Alvarezek. Oraingoz, ekarpen gutxi jaso dituzte, baina normaltzat jo du, «segurtasun neurriengatik, txostenak iritsi, idatzi eta ateratzeko, denbora luzatzen delako». Alvarezek azpimarratu du legezko informazio batera sarbidea dutela, eta ekarpenak «beranduago» iritsiko badira ere, bakoitzak bere ekarpenak egin ahal dituela.

Ildo politikoan estrategia eta taktikak garatzeaz gain, Sortuk desobedientzia zibila eta beste lan tresnak nola bideratu behar dituen jasoko du. Era berean, «hurrengo urteetan gatazkaren konponbidea nondik garatu behar den» bilduko du. Azken puntua nazio eraikuntza eta eraldaketa soziala izango da.

Oinarri ideologikoen txostenean 400 zuzenketa bildu dituzte Hiru gai nagusik piztu dute eztabaida. Lehena, Europako Batasuna: «Nola ulertzen dugun EB, etorkizunean nola kokatu Euskal Herriaren etorkizuna EBren barruan, kanpoan; herri erabaki bat izan behar duen sartu edo ez...» Bigarrenik, «ezkerretik nola ulertu behar den sozialismoa, eta haren barruan nola ulertu demokrazia». Azkenik, euskararen inguruan. 400 zuzenketak 60ra murriztu dira, eta abendu amaieran bozkatuko dira. Ildo politikoari aurkeztutako zuzenketak, berriz, urtarrilaren amaieran eztabaidatuko dira. Otsailaren 23ko biltzarrean berretsiko da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.