Albistea entzun

«Egon zen bakarrik hil zen jendea»

Erietxeetako bisitak murriztu zituzten lehen olatuan, oro har, paziente guztientzat; COVID-19a zutenak guztiz bakartu zituzten. Egoera samurtzera egin da, pixkanaka.
COVID-19ak jotako gaixo bat ZIUan.
COVID-19ak jotako gaixo bat ZIUan. MARISOL RAMIREZ / FOKU Tamaina handiagoan ikusi

Arantxa Iraola -

2021eko martxoak 17

Indibidualizatu egin behar da arta». Iñaki Peña Arrasateko erietxeko (Gipuzkoa) medikua da; COVID-19 paziente ugari artatu ditu, eta ospitaleetan haiek bakartzeko hartu diren neurriak «malgutzera» egin behar dela esan du, usu «krudelak» izan direla deitoratuta. Erietxe txikia da Arrasatekoa, eta azaldu du bakartze protokoloak bere irmoan ez dituztela ezarri behar izan, baina bestelakoa dela egoera erietxe handietan. Xabier Goikoetxea Iraola barneko medikua da Donostia ospitalean, eta neurri horiek usu pairamendu iturri izan direla onartu du.

«Hau dena hasi zenean, orain dela urtebete, zalantza egoera handi hartan, beste toki batzuetatik heltzen ziren albiste larriei erreparatuta, oso erabaki irmoak hartu ziren. Erietxearen fisionomia erabat aldatu zen: aurretik, igandeetan, bisitekin-eta, Bilboko Kale Nagusia ematen zuen, eta, bat-batean, ze isiltasun! Profesional asko akordatzen gara isiltasun horrekin». COVID-19a zuten pazienteei begira, oraindik zorrotzagoak ziren neurriak: «COVID eremuetan, lehen olatuan bakar-bakarrik egon ziren gaixoak». Baita egoerarik larrienetan ere: «Egon zen, esaterako, bakarrik hil zen jendea». Oinazez oroitzen ditu orduan ezarri zituzten neurri irmo haien ondorioak: «Pazienteentzat oso gogorra da pertsona maiteekin ez egotea...». Lehen olatua pasatu orduko ikusi zuten moldatu beharra: «Ikusi genuen bakartze neurrietan oinaze puntu bat zegoela, eta zerbait egin behar zela hori arintzeko».

Protokolo «aldakorrak»

Ordutik, kontu handiz betiere, neurriak «malgutzera» egin dute. «Bigarren olatutik aurrera, onartu zen COVID eremuetan mendekotasun eta dementzia egoeretan daudenek eta hil hurrenek norbait ondoan izatea». Bestelako bideak ere landu dituzte: «Familiekiko harremana erraztu egin da telefono bidez eta bideo deien bidez. Gazteek, beraiek egiten dute; ez dago arazorik. Adinekoei begira, propio trebakuntza bat egin zen medikuntza eta erizaintza ikasleekin, eta haiexek bideratu zituzten harreman horiek. Arnasa izan da hori familia askorentzat».

Nafarroako Ospitale Gunean artok koordinatzen jardun du Ana Mariñelarenak, Prozesu Medikuen Artako arduradun. «Pandemiaren hasieratik, helburuetako bat izan da COVID-19 pazienteen arta humanizatzea». Bakarrik egon ezin diren pazienteak «lagunduta» egoteko bidea erraztu dute, eta protokolo «aldakorrak» garatu dituzte bidean: «Ezagutzaren eta egoera epidemiologikoaren arabera».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ikasle bat Hernaniko Langile ikastolan sartzen, gaur goizean ©Jon Urbe / FOKU

Arabako, Bizkaiko eta Gipuzkoako eskola publikoetan greban daude gaur

Irati Urdalleta Lete

ELA, LAB eta Steilas sindikatuek deitu dituzte langileak grebara, Eusko Jaurlaritzaren Hezkuntza Legearen aurreproiektuaren kontra egiteko. Sindikatuen arabera, jarraipena %60koa da; Hezkuntza Sailak esan du ikastetxeen %43ren datuak dituztela, eta horietan irakasleen %38,6k egin dutela greba.

Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela

Espainiako Polizia Gernikan (Bizkai), gaur, atxilotutako lagunarekin. ©EITB

Espainiako Poliziak gutxienez lagun bat atxilotu du Gernikan, «jihadismoa doktrinatzea» egotzita

Paulo Ostolaza

Auzitegi Nazionalak eman du atxiloketa agindua. Atxilotua aspaldidanik bizi zen Errenteria auzoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.