Bi lagun hil dira eta bertze hogei positibo atzeman dituzte Euskal Herrian

Detektatutako azken kasuetatik bosna daude Araban, Bizkaian, Gipuzkoan eta Nafarroan. Baliteke batek lotura izatea Orioko kasuekin

Gazte bat Iruñeko igerileku batera sartzen, joan den astean.
Gazte bat Iruñeko igerileku batera sartzen, joan den astean. IDOIA ZABALETA / FOKU Tamaina handiagoan ikusi

Maddi Ane Txoperena Iribarren -

2020ko uztailak 2

Eusko Jaurlaritzako eta Nafarroako Gobernuko ordezkariek atzo jakinarazi zutenez, bertze bi hildako eta hogei kasu detektatu dituzte Hego Euskal Herrian. Hildakoak Araba, Bizkai eta Gipuzkoakoak dira Osakidetzak eman du horien berri, baina ez du zehaztu kokapena, eta positiboak, berriz, bortz daude lurralde bakoitzean. Nekane Murga Eusko Jaurlaritzako Osasun sailburuak jakinarazi duenez, Arabako bortz kasuak Gasteizkoak dira; Bizkaikoak, berriz, Bilbo, Barakaldo, Basauri, Durango eta Loiukoak; eta Gipuzkoakoak, Donostia, Errenteria eta Irungoak —hiru kasu daude Irunen—. Osasun Saila ikertzen ari da Donostiako kasuak loturarik ote duen Orioko agerraldiarekin, bigarren mailako harreman bat dela eta.

 

Jakinarazi dutenez, Oriokoarekin lotuta hamazazpi lagun daude koronabirusaz kutsatuta, eta, Donostiakoarekin batera, bertze sei kasu daude loturaren bat duten susmopean. Irungo eta Errenteriako kasuak ere ikertzen ari dira, lotura izan dezaketelakoan herenegun Arrasaten atzeman zituztenekin. Familian eta ingurune sozialean kutsaturikoak lirateke bi herri horietako lau kasuak.

Nafarroako Gobernuak ez du zehaztu nongoak diren atzeman dituzten azken bortz kasuak, baina Javier Remirez gobernuko presidenteordeak jakinarazi du ez dutela loturarik Iruñerrian eta Sunbillan joan den asteetan izandako agerraldiekin. Ekainaren 26 eta 27tik ez da agertu agerraldi horiekin loturiko kasurik, Remirezen hitzetan.

ZIUetan zazpi lagun daude gaur egun koronabiruask jota Hego Euskal Herrian, bi gobernuen arabera. Koronabirusak, orotara, 2.143 lagun hil izanen lituzke Hego Euskal Herrian pandemia hasi zenetik gaur arte.

Antigorputzen testak ere egiten jarraitzen dute oraindik: Araban, Bizkaian eta Gipuzkoan, erraterako, bertze 34 kasu atzeman zituzten atzo test azkarren bidez; koronabirusa jada pasatua duten pertsonenak dira. Orotara, 3.133 PCR eta 470 test azkar egin zituen atzo Osakidetzak.

«Gu geu gara txertoa»

Murga Jaurlaritzako Osasun sailburuak Baskoniaren garaipenaren ondorengo ospakizunak izan zituen gogoan atzo goizean egin zuen agerraldian, eta gogoratu zuen beharrezkoa dela jendearen artean distantzia mantentzea; eta, ezin denean, maskara janztea:«Ezin dugu ahaztu birusak hor segitzen duela, eta oraintxe daukagun txerto gu geu garela».

Remirez Nafarroako presidenteordeak, halaber, «ardura» eskatu die Nafarroako herritarrei, baita kanpotik datozenei eta kanpora doazenei ere. Nabarmendu du, halere, mugen irekierak eta mugikortasuna zabaltzeak dakarren «logika propioaren barnean» sartzen direla azken kutsatzeak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Araban, Bizkaian eta Gipuzkoan 156 positibo izan dira.

Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban

Berria

Zahar etxeetako murrizketek abuztuaren 9ra arte jarraituko dute indarrean.

Basurtuko erietxearen kanpo aldean ostiralean hasi ziren PCR probak egiten. ©JAVIER ZORRILLA / EFE

Berriro ere berrehun positibo baino gehiago egun bakarrean: 255

Mikel P. Ansa

Bezperan baino 39 kasu gutxiago detektatu dituzte azkeneko 24 orduetan, baina berrehuneko langatik gora jarraitzen dute eguneko kasu berriek. Nafarroak osasun arreta indartuko du.

Emakume bat Zisjordaniako Bani Naim herrian maskarak saltzen, hil hasierako irudi batean. ©ABED AL HASHLAMOUN / EFE

Palestinako kasuek gora jarraitzen dute, neurriak gogortu arren

Ander Perez Zala

PANek 11.000 positibo baino gehiago baieztatu ditu, eta haren diru sarrerak %80 txikitu dira

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna