Albistea entzun

Hegazkingintzaren fakturazioak %28 egin zuen behera iaz

Hegan klusterraren arabera, 1.500 lanpostu galdu ziren sektorean, guztien %10 inguru

Imanol Magro Eizmendi -

2021eko ekainak 24

Iazkoa «inoizko urterik zailena» izan zen hegazkingintzaren euskal sektorearentzat. Hala deskribatu du Hegan klusterrak bere urteroko balantzean. Aeronautika sektoreko Araba, Bizkai eta Gipuzkoako enpresak batzen dituen elkartearen arabera, kideen fakturazioak %28 egin zuen behera 2020an, eta 1.500 lanpostu inguru galdu ziren, guztien %10.

Heganen barne inkestaren datuen arabera, 68 kideen artean 1.873 milioi euro fakturatu zituzten iaz. Datu horiek urrun daude 2019ko 2.615 milioietatik. Era berean, azken urteetako hazkunde joera errotik eten da. Azken hamarkadan, sektorearen fakturazioa %8,5 handitu zen urtero, eta lanpostu kopurua, %4.6. Alde horretatik, klusterrak nabarmendu du eskulan kualifikatuaren galera oztopatzea dela sektorearen erronka handietako bat.

Hegazkingintza zibileko bezeroak izan ziren beren erosketak gehien uzkurtu zituztenak. Boeing eta Airbus dira munduko bi hegazkin ekoizle handienak, eta bide batez euskal enpresen bezerorik onenak. Bada, bien datuak elkartuz gero, haien ekoizpenak %42 egin zuen behera iaz. Hala ere, sektoreak «iraun» egin duela uste du Heganek, baina «ziurgabetasunean» murgilduta dagoela. Pizkundea noiz iritsiko den iragartzen hasita, IATA izendatu du Heganek. Nazioarteko elkartearen ustez, aire garraioa 2024an itzuliko da bere onera.

Bestalde, eta aeronautikarekin jarraituz, Bain AEBetako inbertsio funtsa izan da ITP Aero erosteko eskaintza hoberena egin duena. Rolls Roycek eta erakunde publikoek egitasmo industriala garatuko duen bezero bat behar dute, eta, Aernnovaren ezezkoaren ondoren, Aciturri izan daiteke aukeratua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iruñeko Alde Zaharreko taberna baten barrualdea, maiatzaren 17an. Aste horretan baimendu zuten barruan kontsumitu ahal izatea. ©IÑIGO URIZ / FOKU

Familiek eta industriak bultzatuta, Nafarroako ekonomia %2,6 hazi da

Joxerra Senar

Iazko bigarren hiruhilekoarekin alderatuta, BPGa %18,5 handitu da urtebetean. Pandemiari aurre egiteko neurri gogorrenak leundu izanak eragina izan du jarduera ekonomikoan eta barne kontsumoan
Deliveroo enpresako janari banatzaile bat, Londresen. ©Vickie Flore / Efe

Deliveroo joan egingo da Hego Euskal Herritik

Iker Aranburu

Bi aste barru sartuko da indarrean Rider legea, eta haren ondorioz, janari banatzaileak kontratatu beharko dituzte banaketa enpresek.

Siemens Gamesaren haize errota bat, Bilbonb. ©Luis Tejido / Efe

Siemens Gamesak kaleratzeak aipatu ditu, galera handiak izan ondoren

Iker Aranburu

Lehengaien garestitzearen ondorioz, haize errotak kostu azpiko prezioetan saldu eta 368 milioi euroren galerak pilatu ditu aurten.

Tubacexeko langilen agerraldia  ELAren egoitzan, uztailarn 7an. ©Aritz Loiola / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna