Albistea entzun

Koronabirusa

Gomendatu dute Hegoaldean gelak ez ixtea bost positibo izan arte

Osasun Publikoko Batzordeak gomendatu du gelak ez ixtea bost ikaslek edo gelaren %20k zazpi egunen buruan positibo ematen ez badute
Gasteizko ikastetxe bateko ikasgela bat hutsik, artxiboko irudi batean.
Gasteizko ikastetxe bateko ikasgela bat hutsik, artxiboko irudi batean. R.B / FOKU Tamaina handiagoan ikusi

Irati Urdalleta Lete -

2022ko urtarrilak 8

Osasun Publikoko Batzordeak gomendatu du Hego Euskal Herriko ikastetxeetan berrogeialdiak ezartzeko irizpideak malgutzea: aurrerantzean, bost ikaslek edo gehiagok zazpi egunen buruan positibo ematen dutenean edo bost baino gutxiagok emanagatik ere ikasgelaren %20 positibo badira soilik itxiko dute gela, gomendio horri jarraitzen badiote. Espainiako Gobernuko eta autonomia erkidegoetako ordezkariek parte hartu dute bileran. Eusko Jaurlaritzak, gero, zehaztu du ikasle batek positibo emanez gero gainerako kideek klaseetara joaten segitzen ahal dutela, betiere sintomen agertzea «zainduz». Ikastalde berean positibo gehiago agertuz gero, «ikusiko» dute neurri gehiago ezarri ala ez.

Dena den, COVID-19a goraldi betean egonagatik ere, Hego Euskal Herriko haur eta gazte guztiak aurrez aurre itzuliko dira ikasgeletara. Presentzialtasun hori bermatu nahian, Eusko Jaurlaritzak, esaterako, asteon iragarri du neurriak zorroztuko dituela: Lehen Hezkuntzako ikasgela bateko eta besteko ikasleak ezingo dira elkartu patioan, 6 urtetik gorako ikasleek maskara jantzita edukiko dute une oro, eta eskola kiroleko lehiaketak ere bertan behera utzi dituzte. Azken erabaki horri jarraikiz, Arabako, Bizkaiko eta Gipuzkoako foru aldundiek atzo esan zuten ez dela eskola kiroleko lehiarik izango urtarrilaren 28ra arte. Gipuzkoan, klubek antolatutako eskola kirola baimenduta egongo da.

Sindikatuek protokoloaren puntu batzuk kritikatu dituzte. LABek salatu du Hezkuntza eta Osasun sailek kasuen jarraipenean duten ardura baztertu eta fa- milien gain utzi dutela. Steilasek, berriz, esan du protokoloak funtziona dezan beharrezkoak direla baliabide materialak, giza baliabideak eta azpiegiturak. Halaber, eskatu du plan bat prestatzeko ordezkapenetarako jenderik geratzen ez denerako.

Nafarroako Gobernuak ere hezkuntzako protokoloak indartzeko asmoa du. Astelehenean helaraziko dizkie ikastetxeei.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Indarkeria matxistaren aurkako protesta bat, Iruñean. ©IÑIGO URIZ / FOKU

'Baietz da baietz' legearen aurretiko kondenei eutsiko diete Nafarroan

Ion Orzaiz

Nafarroako Auzitegiak ez du murriztuko zigorra, hura lege berriaren parametroetan sartzen bada. Gipuzkoako Auzitegiak etzi ebatziko du
Idurre Eskisabel, atzean Euskalgintzaren Kontseiluaren logoa duela. ©EUSKALGINTZAREN KONTSEILUA

Idurre Eskisabel izango da Kontseiluko idazkari nagusia

Julen Aperribai

Paul Bilbaok hamabi urte eman ditu kargu horretan, eta hura ordezkatuko du Eskisabelek gaur zortzi, Durangon. Euskararen auzia «gizartearen lehentasun» bihurtzea eta aliantzak sendotzea jarri ditu helburu
Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.