Noiz sortua: 2019-04-19 00:30:00

Autogestioa nahi dute abaro

Pertsona autonomoak dira oraindik ere, baina indarrak ahultzen direnerako, oraino gertuan garatu gabeko bizileku eredu baten alde ari dira hainbat adineko: etxebizitza kolaboratiboena.

Arantxa Iraola -

2019ko apirilak 19

Ixabel Fernandez (Donostia, 1948), Karmele Mujika (Errezil, Gipuzkoa, 1948) eta Marisa Sarria (Donostia, 1950). Mahai baten jiran daude hirurak, Donostian, hirian co-housing egitasmo bat bultzatzeko ahaleginetan nola ari diren kontatzen, eta olatu zabalago baten parte direla argi adierazten: «Perretxikoen gisara zabaltzen ari dira halako proiektuak». Elkarbidean da orain martxan duten egitasmoaren izena, eta ate joka dabiltza, egun adinekoei zuzenduriko arretan ikusten ez duten baliabide berri baten zimenduak ipini nahian; etxebizitza kolaboratiboena. Mujika: «Niri, batez ere erakargarria egiten zait bakarrik ez bizitzeko era emango didalako: babesa da». Gaztetan, hainbat egitasmo antolatzea egokitu zitzaiela diote. Sarria: «Ibili ginen auzo elkarteetan». Fernandez: «Haurtzaindegiak abian jartzea tokatu zitzaigun». Konforme ez zeuden gazte haietakoak izan ziren, eta ez daude orain ere konforme aurrean dutenarekin: eraldatu egin nahi dute, ate eta aukera berriak zabaltzeko.

Gaiaren inguruan egin dituzten hitzaldietara-eta jendea «ugari» bildu zaiela diote; gogoa ikusten dute. Fernandez: «Gehienok izan dugu gure gurasoak zaindu beharreko esperientzia, eta zerbait ezberdina nahi dugu guretzat: komunitatean bizi nahi dugu, baina guretzat ere espazio pribatua izanda». Bakardadea izaten da, zahartu ahala, eragozpen handi bat, eta horri aurre egiteko eredu aski egokia dela uste dute: «Bakardadea saihesteko bideetako bat dira etxebizitza kolaboratiboak. Adinekoen artean dagoen arazo oso larria da».

Egungo zahar etxeen ereduaz haragoko zerbait nahi dute: benetan aseko dituen abaro bat. Fernandez: «Zerbait ezberdina nahi dugu. Oraindik baliodunak sentitzen gara gizarte honetan, eta etorkizunerako asmoekin». Ezer berririk asmatzera ez doazela argi dute: «Europan urteak daramatzate halako egitasmoek, beste hainbat herrialdetan ere bai». Etxebizitza tutelatuak-eta badira egun, baina horiez apartekoa da buruan duten eredua. Sarria: «Administrazioen esku daude horiek, eta hor ez dago adinekoek eurek beste pertsona batzuekin batera susta ditzaketen kolaborazioetarako tokirik; guk proposatzen dugun ereduan, kooperatiba bat sortuko genuke, eta horrexek egingo luke kudeaketa». Hortxe ikusten dute aldea: «autogestioan». Fernandez: «Marra gorrietako bat izango da jendea ez etortzea etxera altzari baten moduan. Parte hartzea da asmoa; bakoitzak ahal duen heinean. Zerbait komunitarioa egin nahi dugu. Biak landu nahi ditugu; alde pribatua, eta komunitarioa». Buruan dute, halaber, zaintzari ere leku egitea: «Bizilagun onen arteko harremanak landu nahiko genituzke; garai batean izaten ziren bizilagunen arteko erlazioak; halako zerbait». Ari dira etxeak non jarri aztertzen, eta erakundeetan ate joka.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna