Bakartasuna

Gogorra, baina gozoa
bakartasun laztana.

Inguruak molestatzen nau
gaixo banago.
Gehiago molestatzen nau
gaixo badaude.

Galdetzen didazu beti:
Zer moduz bizitza?
Zergatik ez duzu galdetzen:
Zer moduz giltzurruna?

Ba, harriz beterik!
Baina ez dizut esango
bestela, beti baituzu
horixe galdetuko.

Gozoa da, bai,
bakartasuna.
Zaila bada bizitzan.
Utzidazue bederen
sar nadin heriotzan
neure erara.

Zerbait esan
behar bada,
neuk esango dut.
Ez dut esango
hau edo beste.
Soilik esango dut:
Isil zaitezte!