'Aitaren etxea' telesaila Interneteko plataforma handiei erakutsiko diete

Hainbat euskal ekoizle Cannesko MIPTV azokan daude egunotan. Oroiminak tarte handia du
Euskal Herriko ekoizleak bileraz bilera dabiltza egunotan Cannesko MIPTV nazioarteko azokan.
Euskal Herriko ekoizleak bileraz bilera dabiltza egunotan Cannesko MIPTV nazioarteko azokan. EIKEN Tamaina handiagoan ikusi

Urtzi Urkizu -

2018ko apirilak 11

Telebistaren aste handia izaten da Cannesko MIPTV azokakoa. Okzitaniako kostaldeko hiri horretan ikus-entzunezko sektoreko 11.000 profesional baino gehiago bildu dira egunotan. Ehun herrialde baino gehiagotakoak. Eta tartean dira Euskal Herritik joandakoak ere, Basque Audiovisual markapean —Eiken klusterraren, Etxepare institutuaren eta Zineuskadiren elkarlanari esker—.

Pausokako proiektuburu Xabier Zabaletak jakinarazi duenez, Somos Distribution banatzaileak Aitaren etxea telesaila erakutsiko die munduko ikus-entzunezko plataforma handiei. «Go!azen ere erakusten aritu gara, baina eragozpen gisa jartzen digute abestiak euskaraz direla». Pozik azaldu da Zabaleta, bi banatzaile handik interesa azaldu dutelako The best in history formatua garatzeko. «Sleeping with the enemy formatua, berriz, New Yorkeko Input konferentziarako aukeratu dute». Pausokaren Do You Know Me? saioaren eskubideak, halaber, Argentinako ekoizpen etxe batek erosi ditu.

Prime Time Media etxeko gidoilari Josune Canales sektoreko joerak ikusten ibili da: «Oroiminak presentzia handia du: saio zaharrak berreskuratzen dituzte. Talent show asko daude, baita bikotekidea bilatzeko saioak ere». Haren irudikoz, ekoizpen txikientzat zaila da azoka, «enpresa handiek arreta guztia bereganatzen dutelako».

Koldo Zuazua Kowalski filmseko ekoizlearentzat berri on bat iritsi da MIPTVn: Beta Films banatzaileak iragarri du AEBetako Starz kateak La Zona telesailaren eskubideak erosi dituela. Frantziako Canal+ek maiatzean estreinatuko du.

Errealitate birtuala

Ikus-entzunezkoekin lotutako izar ugari daude egunotan Cannesen. Robert Rodriguez zinemagileak, atzoko ekitaldi nabarmenetako batean, errealitate birtualeko telesail bat aurkeztu zuen: The Limit. Errealitate birtualeko aurikularretarako aplikazio batean (Surreal) estreinatuko dute, urtearen amaieran. Rodriguezek aitortu du bere seme Racerri bururatu zitzaiola telesaila egiteko ideia; pertsonaia baten ikuspuntutik grabatzen dute, eta ikusleak harekin interaktuatzen du une oro. «Film baten barruan egongo bazina bezala da. Pentsatu nuen orain arte fikzioa ikusi den modua baino erakargarriagoa izan daitekeela», gaineratu du Mexikoko zinemagileak. Andy Vick STX Surreal konpainiako sortzaileak ohartarazi du teknologiak maiz edukia gainditzen duela, eta edukia dela jendea halakoak erostera eramango duena. Errealitate birtualean lanean ari diren hainbat enpresa daude egunotan azokan. Alemaniako Evrbit enpresako Silke Kachtikek egiten ari diren saiakeren berri eman du: «Soinu sinkronizatuaren sistemetan ari gara oinarritzen esperientziak berriro bizitzeko, eta zinema esperientzia sozial bat bihurtzeko».

MIPTV azoka bihar amaituko da. Canneseries jaialdiko sariak, berriz, gaur emango dituzte. Eta Javier Felix Etxaniz gidoilariak Strange Fishing Sundays telesaila aurkeztuko du gaur bertan, proiektuak garatzeko In Development sailean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako kasuen oldarraldiari lotuta

Beste 11 positibo zenbatu dituzte Ordiziako kasuen oldarraldiari lotuta

Arantxa Iraola

Denera 69 kasu daude lotuta positibo multzo horrekin; Tuterakoekin, berriz, 31

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna