Hemeretzi puntu daude akordioan hizkuntza politikari buruzko erabakiekin. Hona, atalka jarrita, labur-laburrean:
Legea
Aurrekoa guztiz baztertu gabe. Hizkuntza eskubideak bermatzeko «lege esparru egoki» bat garatzea dute helburu, eta, Euskararen Legearen azken erreformari atxikita —iragan otsailean onartu zen—, haurrek Nafarroa euskaraz ikasteko modua izatea.
Erakundetzea
Antolaketa berri bat gobernuan. Nafarroako Gobernuaren barruan hizkuntza politika sustatzeko egongo den erakundeak politika «zeharlerrokoak» egin beharko ditu;sail denetan eragina izango du.
Presentzia
Ekitaldi publiko guztietan. Gobernuak ekitaldi publiko orotan «bermatu» beharko du euskararen presentzia; kanpaina bat egingo du euskararen «prestigioaren» alde. Bultzatuko du euskara alor sozioekonomikoan indartzea ere.
Euskararen Kontseilua
Indartzeko bidean. Berritu eta indartu nahi dute Euskararen Kontseilua. Euskararen aldeko plan estrategiko bat egiteko ardura emango diote.
Administrazioa
Hizkuntza eskubideen alde. «Konpromisoa» hartu dute administrazioan «ahalik eta arreta handiena» emateko herritarrei euskaraz. Tokiko erakundeekin lankide ariko da.
Euskaltegiak
«Presako» neurria. «Presakoa» da 2015eko laguntza lehenbailehen ematea euskaltegiei eta etorkizuneko finantzatze eredua aztertzen hastea,euskara ikasi nahi duten guztiek horretarako era izateko.
Hedabideak
Laguntzak emateko asmoa. Euskarazko hedabideen finantzatzea «berreskuratuko» da, eta euskaraz —portzentaje batean, behintzat— ari beharko da diru laguntzetarako.
Arnasguneak
Aintzakotzat. Izen horrekin ez dira aipatzen, baina kontuan hartuko direla esaten da.
Beste erakundeak
Harremanetan. Erakunde arteko lankidetza organoetan ariko da foru gobernua.
PUNTUZ PUNTU
Iruzkinak
Ez dago iruzkinik
Ordenatu