Albistea entzun

Loraldia 2024ra begira jarri da

Elkarteak hamar urte beteko dituela eta, datozen hiru urteetarako asmo eta proiektuak aletu ditu

Erredakzioa -

2021eko abenduak 17 - Bilbo

Bilbon eta udaberrian euskal kultura garaikidea plazaratzeko asmoz sortu zen Loraldia kultur elkartea 2014an, eta, harrezkero, urtez urte antolatu du askotariko diziplinak batzen dituen festibala. Datorren urtean ere egingo dute, martxoan; zortzigarren aldia izango da, okerrik ezean. Baina, horrez gain, egitasmo eta proiektu berriak ere izango dira datozen hilabeteetan, eta horien berri eman zuen atzo elkarteak Loraldia GARA. Zerumuga begietan ekitaldian. Bilboko Itsasmuseumen egin zuten saioa.

Izan ere, Loraldia kultur elkarteak hamar urte beteko ditu 2024an, eta urte garrantzitsu horri begira daude dagoeneko kideak. «Elkarteak proiektu ilusionagarri berriak sortzen, imajinatzen eta abian jartzen jarraitu nahi du», adierazi dute antolatzaileek. Horretarako, euskarazko sorkuntza ardatz duten, eta sortzaileak, ikusleak eta beste kultur eragileak batuko dituzten egitasmoak sortu nahi dituzte. «Aurrerapauso bat» eman nahi dute modu horretan; «geroari begiratzeko modu berri bat» sortu.

Udaberriko jaialdia elkartearen egitasmorik garrantzitsuena izango da aurrerantzean ere, baina Bilbotik Euskal Herriko hainbat txokotara zabalduko du aurrerantzean. Horrez gainera, produkzio propioei lekua egiten jarraituko dute, bai eta euskal kulturaren transmisioa ikastetxeen bitartez egiten ere. Eta, azkenik, gazteen artean sormena sustatu, eta bide propioa egiteko gune bat zabalduko dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<em>Komedia madarikatua</em> antzezlana. ©HODEI TORRES

Gai sakonak, umorez landuak

Olatz Enzunza Mallona

Bilboko Pabiloi 6 Antzerki Laborategiko Gazte Konpainiak 'Komedia dramatikoa' estreinatuko du gaur, areto horretan bertan. Antzezlanak drama eta komedia uztartuko ditu , eta gizarte gatazkak izango ditu hizpide, «modu komikoan, betiere»

Kristonak taldeko bost kideak, <em>Ahobetehortz</em> diskoa iragartzeko argazki batean. ©KRISTONAK TALDEA

Etsipenetik piztu dira

Olatz Enzunza Mallona

Kristonak taldeak aro berri bat abiatu du, 'Ahobetehortz' lanarekin. Eskean Kristo atzean utzi arren, taldearen betiko nortasunari eutsi diote. Bihar hasiko dute bira, Ondarroan
Maria Elorzaren <em>A los libros y a las mujeres canto</em> filmeko irudi bat. ©TXINTXUA FILMS
Zugaza, Herraez, Gonzalez, Zupiria eta Ormazabal, gaur, Gasteizen. ©IREKIA

Euskal artisten 26 artelan erosi dituzte museoek, Jaurlaritzak diruz lagunduta

Aitor Biain

Artium museoak, Biboko Arte Ederren Museoak eta Tabakalerak elkarrekin erosi dituzte 18 euskal artistaren obrak, 200.000 euroko ezohiko diru laguntza bati esker.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...