Albistea entzun

BAKARRIZKETA

Etika batzordeak ongi iritzi dio Durao Barrosok Goldman Sachsen lan egiteari

PATRICK SEEGER / EFE

Irune Lasa -

2016ko azaroak 6

1 Durao Barroso? Europako norbait zen hori...? Jose Manuel Durao Barroso Europako Batzordeko presidentea izan zen hamar urtez (2004-2014). Aurretik, bi urtez Portugalgo lehen ministro izan zen PSD zentro-eskuineko alderdiarekin. Garai hartakoa da bera protagonistetako bat duen Azoresko argazki ezaguna.

2 Eta lanpostu berria du? Brexit-aren erreferendumetik bi astera, uztail hasieran iragarri zuen Goldman Sachs International bankuan presidente ez-exekutiboa izango dela. Eskandalua hainbestekoa izan zen, Europako Batzordeko egungo presidente Jean Claude Junckerrek euren Etika Batzordearen iritzia eskatu behar izan zuen. Astelehenean heldu da iritzia: Batzordearen ustez, Durao Barrosok batzordekideei eskatzen zaizkien baldintza guztiak bete zituen lanpostu berria onartzean.

3 Eta, baldintzak bete baditu, zein da arazoa? Etxera soldata bat eramateko eskubidea izango du gizonak, ezta? Eta ez da nolanahikoa izango soldata hori, bost milioi euro irabaziko baititu urtean Goldmans Sachsen. Horrez gain, hemendik bost urtera, 65 urte betetakoan, Europako Batzordeko kide izateagatik dagokion erretiroa jaso ahal izango du: 130.000 euro urtean. Batzordea utzi zuenean Durao Barrosok uko egin zion zegokion 18 hilabeteko ordainsariari; 13.500 euro ziren hilean.

4 Soldata onak bai, Goldman Sachs horretakoak. Horren langile abila al da portugaldarra? Goi kargu publikoen eta konpainia handien izenak elkarrekin nahasten direnean zalantza sortzen da. Zer ordaintzen du horren ondo konpainiak, pertsona horrek egingo duen lana edo aurretik —kargu publikoan zenean— haientzat egindako lana? Esperientzia edo aurreko lanpostuak ematen dizkion eragin ahalmena eta informazioa...?

5 Kasu honetan badago zalantza horretarako arrazoirik? «Zergatik ezin dut lan egin legezkoa den entitate batean? Ez da droga kartel bat», esan zuen Durao Barrosok uztailean, kritikei erantzunez. Ez da droga kartel bat, ez, munduko inbertsio banku handiena da. Hori bai, finantzetatik ekonomiara hedatutako krisiaren sorburuko zabor hipoteken erantzuleetako bat izan zen, eta Greziako krisian ere izan zuen zerikusirik. Eta hori guztia portugaldarra Europako Batzordean presidente zela gertatu zen. Eta kasualitatea ote? Orain arte Goldmans Sachseko presidente ez-exekutiboa Peter Sutherland irlandarra izan da, hori ere Europako Batzordean Lehiarako komisario izandakoa.

6 Dena den, horrek irtenbide eskasa du, ezta? Nola eragotz daiteke kargudun publikoek ate birakaria hartzea?

Gogoratzen Durao Barrosok errefusatutako ordainsaria? Kargua utzi eta lehen urte eta erdian ez presidenteak ez komisarioek ezin dute beste lanposturik izan, horretara dator ordainsaria. Hogei hilabete pasatu ziren portugaldarrak kargua utzi eta bankuko lana hartu arte. Orain, Junckerrek iragarri du tarte hori bi urtera handitu nahi duela presidentearentzat eta hiru urtera komisarioentzat. Corporate Europe lobby-ak kontrolatu nahi dituen erakundeak bost urteko tartea nahi luke presidentearentzat, eta hirukoa komisarioentzat.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Javier Remirez Nafarroako Gobernuko presidenteorde lehena, parlamentuan ©Jesus Diges / Efe

Nafarroan, Madrilek ez du oztopatuko 3.627 enplegu publiko egonkortzea

Joxerra Senar

Espainiako Gobernuak ez dio foru legeari errekurtsorik jarriko Auzitegi Konstituzionalean, eta uztailean Nafarroako Parlamentuak onartutako legea «bere osotasunean» sartuko da indarrean

Txik Txak garrai sareko autobus bat, Baionan, artxiboko irudian. ©Guillaume Fauveau

Ipar Euskal Herriko garraio zerbitzuko langileak greban sartu dira

Garazi Aduriz - Oihana Teyseyre Koskarat

Txik Txak garraio sareko langileek grebari ekin diote goizean. Salatzen dute egunean hamalau orduko lan txandak dituztela langile eskasiaren ondorioz.

LIDLeko langileak, greban. ©ELA Sidikatua

Bertan behera utzi dituzte Lidl eta BM supermerkatuetako grebak

Iñaut Matauko Rada

Langraiz Okako (Araba) Lidlen bloke logistikoan hitzarmen berria adostu dute, eta soldaten %20ko igoera lortu. BMn gaur ziren greba hastekoak, baina asteburuan lortutako «aurrerapenen» ostean, deialdia utzi dute.

Mondragon korporazioaren, Laboral Kutxaren eta Ikerlanen egoitzak, Arrasaten. ©MONDRAGON

Ulma eta Orona, Arrasatetik urrutiratzen

Aitor Biain

Mondragonetik atera, eta korporazioarekin harreman eredu berri bat izateko proposamena egin dute Ulmak eta Oronak. Ereduen talkak eragin du bide propioa abiatu nahi izatea. Abenduaren 16an erabakiko dute bazkideek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...